yin kun gyi mchod pa'i rten yin no/ /sangs rgyas dang 'dra ba'i rten gnyis la/ sku gzugs ni sku 'dra ba'i phyir na sku ngo bo dang 'dra'o/ /sku'i rten yin no/ /mchod rten ni chos sku 'dra ba'i rten no/ /sku gzugs sku'i 'byung tshul ni/ nangs kyi thog mar/ byang chub sems dpa' zhing la gzigs pa'i tshe/ shing 'dzam bu'i bsil grib la bzhugs tshe byang chub sems dpa'i sku 'dra re bzhengs nas/ zhing pa'i lha mi rnams kyis mchod pa'i rten mdzad do/ /sing ga la pa'i bu mo'i don du/ sangs rgyas kyi sku ras ris la bris nas bskur te/ dad pa can bsod nams gsog pa'i rten mdzad do/ khyim bdag mgon med zas sbyin gyis/ byang chub sems dpa'i dus kyi sku ci 'dra ba zhig bzhengs nas de shing rta'i steng du bzhugs nas grong khyer thams cad du spyan drangs nas/ skye bo kun gyi mos gus dad mos kyi rten mdzad do/ / ras ris kyi sku ji ltar byung ba ni/ bcom ldan 'das nyid sku bzhugs pa'i dus su rgyal po gzugs can snying po dang / mtha' 'khob kyi rgyal po u tra ya na bya ba gnyis ngo bo ma 'phrad par skyes kyis 'grul pa'i grogs po yin pas skyes bskur ras phar bskur tshul bskur byed pa las/ dus nam zhig na/ rgyal po u tra ya nas rin po che sna tshogs dang / khyad 'phags kyi ras sna tshogs skyes snga nas ma bskur ba'i khyad par can mang po bskur byung ba la/ rgyal po gzugs can snying po thugs las cher skyes nas/ da de'i lan nga la med pas skyes lan khyad 'phags shig bskur bsams pas/ sngon chad med pa'i nor ya mtshan can bskur rgyu med pas/ lan ci bskur zhes bcom ldan 'das la zhus pa/ bdag la grogs po u tra ya nas/ skyes mtshar po khyad 'phags mang po bskur byung ba la/ bdag dbul ba de 'dra'i khyad 'phags bskur rgyu ma rnyed pas/ ci bskur ba lags na zhus pas/ 'o na khyod rang skyes lan nga'i sku gzugs la spyan ras gzigs dang / byams pa/ 'jam dpal/ phyag na rdo rje la sogs pa byang chub sems dpa' rnams dang / de skyes lan du bskur gsungs nas/ lha bzo bi shwa karma la bri bar zhu zhus pas/ ras btul te/ bcom ldan 'das kyi sku'i gzi brjid kyis bris bar ma nus so/ /de nas bcom ldan 'das rgyab ngos su bzhugs te/ ras 'dul la 'od zer btang nas byin gyis brlabs so/ /ji ltar 'od 'dug pa ltarata bris/ bcom ldan 'das nyid kyis rab gnas mdzad nas/ glang po che thal kha'i steng du bzhugs nas de la gdugs phub/ rol mo sil snyan mang pos brgyan/ mchod pa'i bye brag bsam gyis mi khyab pa dang bcas te skyes lan du bskur ro/ /der mtha' 'khob kyi rgyal po u tra ya na 'khor dang bcas pas rol mo 'phan gdugs rgyal mtshan ba dan mang po dang mchod pa sna tshogs pa mang pos bsus nas/ phyag dang mchod pa dpag tu med pa byas so/ /rgyal pos sku gzugs la brtags te shin tu dad pa skyes nas mos gus byas pa dad pa drag po skyes te/ rgyal srid spangs nas sangs rgyas bcom ldan 'das kyi drung du rab tu byung nas dgra bcom pa'i 'bras bu thob po/ /ras ris kyi sku gzugs de ltar byin gyis brlabs nas byon no/ /sangs rgyas bcom ldan 'das 'da' khar rgyal po ma skyes dgra'i don du bcom ldan 'das kyi mdzad pa bcu gnyis tshang ba'i sku bris nas/ rgyal po'i thugs dam du mdzad de/ dus phyis kyang mya ngan bsal lo/ /bris