sku'i rten de ltar ngo mtshar du byung ngo / /sangs rgyas bcom ldan 'das chos sku dang 'dra ba'i rten mchod rten byon tshul ni/ lum bi'i tshal du/ rgyal po don thams cad grub par sku 'khrungs tsa na bzhugs pa'i khang par khang pa brtsegs pa gcig byung ste/ de'i tsan dan gyi phye ma bre zho gcig la yang / 'dzam bu gling pa'i nor thams cad kyis de'i rin du mi chog pa yin la/ dbyibs ni gzhal yas khang du yod/ khang bu brtsegs pa ltar ming du grags/ bar lhag sor bzhis ma reg pa gsum rim du yod pa zhig byung ba la/ de lha rgyal tshangs pa la gnang nas tshangs ris kyi lha rnams kyi mchod pa'i rten mdzad do/ kun dga' bos tsan dan gyi khang bu brtsegs pa de lta bar 'dod nas 'dzam bu gling du thengs gcig yong ngo / /dang po grong khyer ser skya ru thub pa lum bi'i tshal du sku 'khrungs pa'i dus su/ phyogs bzhir gom pa bdun bdun bzhag pa'i dus su/ yid bzhin lhun gyis grub pa dpal pad ma can gyi mchod rten byon/ ming pad ma khor yug can gyi mchod rten du grags/ de nas de ltar mdzad pa re re'i dus de la mchod rten re byon/ dang po la bde gshegs mchod rten zhes bya'o/ /gnyis pa byang chub chen po'i mchod rten ni/ ma ga dha byang chub rtan du gyur zhes bya ba'i mchod rten no/ /nub ba glang spyod na/ dpe med bsam 'das zhes bya pa'i mchod rten yod/ gsum pa dpal bkra shis sgo mangs kyi mchod rten ni/ wa ra Na si'i ye shes mchod rten bya ba'o/ /bzhi pa dpal cho 'phrul bstan pa'i mchod rten ni/ mnyan du yod par mu stegs pham mdzad kyi mchod rten zhes bya'o/ /lnga pa dpal lha las babs pa'i mchod rten ni/ grong khyer gsal ldan du sum cu rtsa gsum lhas mchod kyi mchod rten du grags so/ drug pa dpal gser 'od can dge 'dun dbyen 'dum pa ni/ rgyal po'i khab tu byams sems mchod rten grags so/ /bdun pa dpal ka ni ka ni/ sku tshe'i 'du byed byin gyis brlabs pa'i mchod rten zhes bya'o/ /brgyad pa dpal chos kyi 'khor lo bskor zhing chos rgyal mya ngan med pa sangs rgyas mya ngan las 'das pa na/ grong khyer rtsa mchog tu mya ngan las 'das pa'i mchod rten zhes bya'o/ /rgyal mtshan ltar yongs su grags pa'i mchod rten brgyad kyis 'gro ba rnams kyi bsod nams gsog pa'i rten mdzad do/ ring bsrel gyi mchod rten brgyad ni/ ra ma dra ma ki'i yul dang / sa la'i yul dang / gyad yul dang / yangs pa can dang / tsa na tsa ka la pa'i yul dang / byi nu ra tsha'i yul dang / ser skya dang / rgyal po'i khab dang / brgyad na bzhugs so/ /nyi ma'i snying po'i mdo las bshad pa'i drang srong thub pa'i bzhugs gnas mchod rten nyi shu ni/ 'dzam bu gling na/ drang srong thub pa dang dga' 'phel gnyis/ ba lang spyod na gnas skra dang 'od zer 'byung ba gnyis/ lus 'phags na 'byung ba dang na kro lta bu gnyis/ sgra mi snyan na/ spos brtsegs dang 'od zer gnyis/ rgya mtsho'i gnas na nor bu'i snying po 'od 'phro ba'o/ /sum cu rtsa gsum na me tog rab rgyas dang bcu'o/ /gzhan yang yangs pa can na shin tu brtan/ ser skya na gser sgrom dri zhim/ ma ga dha na rgya chen/ bcom lhag na stug po'i sbrin/ ko sa la na rgyal dag pa/ phug gi pha rol na bde ba'i dri/ sa 'dzin na mthong ba'i lam rgyags/ kha che na gur gum rtse mo/