chu len na 'od zer snying po/ rgaya yul na sred bu'i 'od dang bcu/ kha sha li'i yul na mchod rten ghan dha'o/ /mchod rten de rnams ni/ dus gsum gyi sangs rgyas dang / byang chub sems dpa' thams cad dang / nyan thos dang / rang sangs rgyas dang / byang chub sems dpa' thams cad dang / nyan thos dang / rang sangs rgyas/ drang srong chan po mngon par shes pa mnga' ba thams cad gnas pa/ lha dang / klu dang / gnod sbyin dang / dri za rnams gnyer byed cing gtad pa'o/ /thugs phyag mtshan nam mchod rten rang byung du bzhugs nas/ 'gro ba sems can rnams la byin gyis brlabs pa ni/ 'og min gsang ba mchog gi gnas su/ chos sku 'gyur ba med pa'i mardar/ rang byung gi mchod rten/ nam mkha'i dkyil na/ pha lam rdzas kyi rdo rje'i lte ba la a dkar po yod/ rdo rje rtse lnga bai DUrya'i mdog can/ lha tshangs pa'i khru gang ba'i tshad gcig dbyings kyi bar snang la bzhugs skad/ de la ye shes mkha' 'gro ma rnams kyis skor ba byed pa zhig bzhugs/ nam mkha' klong yangs kyi rgyud las/ rdo rje a dang nam mkha'i dbyings/ /dngos su snang yang mthong ba nyung / /skal med rnams kyi spyod yal min/ /zhes gsungs so/ /thugs kyi rten ma mthong ba yang / /rnam dag chos sku'i mchod rten ni/ /yongs la kyab bzhin ma rig glo bur sgrib/ /rnam snang mdzad kyi byin brlabs las/ /rang bzhin longs sku'i mchod rten ni/ /zhing khams lnga na bzhugs nas kyang / /khams gsum phal pas ma mthong ngo / /sprul pa'i mchod rten la/ rang byung du grub pa dang / bzhengs pa gnyis gsungs so/ /dngos po gling bzhi'i rgya mtsho'i ngos la/ rang byung gi mchod rten brgyad/ gnyis gnyis phyogs na bzhugs kyang / spyan gyi mngon shes med pa rnams kyis mi mthong ngo / /mchod rten rnam dag gi rgyud las/ shar gyi phyogs su gnyis bstan pa/ /byams pa rdo rje brtsegs pa gnyis gnyis dang / /lho ru snying rje rin chen brtsegs pa gnyis gnyis dang / /nub tu dag ba pad ma brtsegs pa gnyis gnyis dang / byang du btang snyoms rgya gram brtsegs pa gnyis gnyis dang brgyad bzhugs so/ /zhes gsungs/ rang byung du grub pa'i mchod rten brgyad ni/ bdud rtsi mchog gi lung gi rgyud bdun rtsi bam brgyad las gsungs pa/ dpal u rgyan dur khrod pad ma brtsegs pa gzi'i mchod rten/ de na dngos grub 'byor pa longs spyod yod/ yi yul dur khrod lo ka brtsegs pa/ rang byung mchod rten 'ge'u do shal/ rdzu 'phrul me chu'i dngos grub yod/ rgya gar dur khrod bsil ba'i tshal/ rang byung mchod rten bde byed brtsegs/ de na mkhas shing snying stobs che/ si nga'i yul gyi dur khrod sku la rdzogs/ rang byung mchod rten ri bo ta la la/ de na dngos grub mthong thos can/ /kha che'i yul gyi dur khrod ho can brdal/ /rang byung mchod rten ka ni ka/ /dngos grub bde skyid 'byung ba yin/ /sa la'i yul dur khraud gsang chen rol rang byung mchod rten 'ge'u bstan pa/ dngos grub mthu dang dbang yang che/ bal po'i yul gyi dur khrod lhun grub brtsegs/ mchod rten bya kram ka sho ka/ dngos grub zas dang longs spyod che/ za hor yul gyi dur khrod lang ka brtsegs/ mchod rten bde byed gzhon nu'o/ /dngos grub 'byor pa longs spyod che/ zhes gsungs te/ mchod rten de rnams dur khrod chen po'i