gnas brgyad na bzhugs kyang grub pa thob pa'i rnal 'byor pa 'ga' las gang rung rung gis lta bar mi spobs so/ /skal ldan rnams la mchog dang thun mong gi dngos grub ster ba'i gnas so/ /ci'i phyir na gnas brtan ma mo brgyad gnas pa'i phyir ro/ /dpal ldan 'bras spungs kyi mchod rten yang ma dag pa'i snang ba la phyi 'byung ba bzhi las grub pa/ dbyibs gru gsum pa gcig snang ngo / dag pa'i snang ba la chos dbyings gsung gi dbang phyug dang / dpal ldan rgyu skar gyi dkyil 'khor du snang ste/ lo skor re nas sgo rang dbye nas lta bar 'dod skad do/ /las can rnams la byin gyis brlabs shing dngos grub ster ba'i rten yin no/ /mchod rten gyi bzhengs tshul rnams ni gong du bstan pa rnams yin no/ /bsod nams kyi zhing 'di yang dad pas bzhengs pa/ sdig dang ma 'dres par bsam pa rnam par dag pas bsgrubs pa yin no/ /yang dag par rdzogs pa'i sangs rgyas bcom ldan 'das nyid dga' ldan gyi gnas nas gzigs pa rnam pa lnga la gzigs nas byon te/ grong khyer ser skyar yum gyi lhums su zhugs nas/ dus la babs nas lum bi'i tshal du bltams pa dang / gzhon nu rol rtsed mdzad cing skye rga na 'chi'i sdug bsngal gzigs pa yis/ de las thugs phyung nas skyo ba drag po skyes nas mchod rten rnam dag gi drung du rab tu byung nas/ chu bo nairanya?dzana'i 'gram du dka' thub spyad pa'i gnas yod de/ de na lha'i sprul pa'i bzo bos byas pa'i bcom ldan 'das kyi sku rtsa rgyus dang rgal tshigs la sogs pa gsal ba shin tu rid pa/ zhal gyi dkyil 'khor la mi 'bring po'i khru gang yod pa/ zhal nub tu gzigs pa bzhugs pa de la/ glang rdzis snyan khung du shing bu bcug pa'i gzugs kyang rdo la byas pa yod do/ /de 'dra ba'i bzo shes pa da lta 'dzam bu'i gling na ye med skad do/ /de'i dus su yab rgyal po zas gtsang mas 'khor lnga brgya btang ba na/ de'i mda' ru mchod rten yod do/ de nas byang chub sems dpa' de la pho nya ba de dag gis bskul nas/ dka' thub las bzhengs/ rdo rje gdan gyi lho nub tu rgyang grags phyed tsam na/ dur khrod kyi ro ras bshus te dud pa la sogs pas kha bsgyur ba'i sa na mchod rten zhig bzhugs/ de'i shar phyogs rgyang grags phyed tsam na/ chos gos dras pa'i sa yod de/ de na kan dha an dhe sha zhes pa'i mchod rten che ba zhig yod/ de dang nye ba na byang chub sems dpas gri dang / khab brdar ba'i brdar zheng du khru do/ chur khru gsum pa yod de/ de la mi rnams da lta yang mchod par byed do/ /de nas byang phyogs su byon te/ rdo rje gdan gyi steng logs la sku khrus mdzad cing dbu skra bzhar ba'i mchod rten zhig yod/ de la rdo'i them skas dang mchod rten yang bzhugs so/ /byang chub shing gi chag dum dang / me tog snying po thams cad 'dor ro/ /rab tu byung ba thams cad kyang der khrus byed de/ der skra dang sen mo dor na gang zag de ngan song du mi 'gro zer/ de nas mtsho de'i nub na/ grong pa'i bu mo legs skyes ma dang mjal te/ des 'o thug drangs pa'i sa na mchod rten drug phreng byas pa yod/ der 'o thug gsol nas rdo rje gdan gyi lho phyogs lcags ri'i nang na/ kho na dhe sha zhes pa'i rdo ring khru do pa gcig yod pa la/ byang chub shing dang thub pa'i sku mtho gang tsam pa 'bur du dod pa yod/