zer ba yod pa'i steng na mchod gnas kyi rten gcig yod pa'i bum pa'i logs la/ skra dang sen mo skyur ba'i bu gu yod pa can gcig bzhugs so/ /sngar 'od zer bkye ba de na/ bcom ldan 'das kyi sku tshad med tsam pa zhal shar phyogs su bstan pa bzhengs nas bzhugs te/ de'i steng na 'od zer 'gyed pa'i gan dho la zhes 'dom nyi shu tsam yod pa gcig yod do/ /de nas byang chub kyi shing drung du byon te zhal nub tu bstan nas srod la bdud 'dul ba'i ting nge 'dzin la snyoms par zhugs te/ bdud kyi dmag bye ba dung phyur phrag sum cu rtsa gnyis byung nas mtshon cha'i char rab tu phab pa na/ lha mo hu lu ta ra'i zhal nas khyed rnams dmag ma 'dren/ drangs kyang byang chub sems dpa' mi thub ces brjod pas/ khong rnams na re/ shAkya thub pa mi gcig po 'di nged kyis brlag par bya ba la tshegs med zer nas ma nyan te/ rgyob gsod kyi sgra chen po yang bsgrags so/ /de nas ri bo dhe shan nam ldan 'das kyi sku gsung thugs las khro bo'i rgyal po gshin rje gshed nges par byung nas/ phyag na rdo rjer thub pa chen po'i bka' bzhin mi byed pa la phyag na rdo rjer khyod 'di lta bu'i khro bo gshin rje gshed 'jigs pa'i gzugs bsgyur te/ bdud dang / klu dang / gnod sbyin dang / lha ma yin dang / lha rnams chings shig chom shig rdeg cig rgyob cig sgrol cig gsungs nas bdud dpung chen po las rgyal ba'i byams pa'i ting nge 'dzin la snyoms par bzhugs so/ /der byang chub sems dpa' byams pa'i ting nge 'dzin la snyoms par bzhugs pas/ bdud thams cad pham par byas pa'i tshe/ lha mo hu lu ta ra gad mo shor bas/ de 'phags pa la mi 'tsham par dgongs nas phyag gis zhal bkab po/ de'i shul na byang chub kyi shing nub byang mtshams nas 'dom nyi shu lhag tsam gyi tshod na yod de/ der rdo sku rang byon bzhengs pa zhal lho phyogs su gzigs pa/ hu lu ta ra zhes grags pa zhig bzhugs so/ /de'i rtsa na rin po che'i char babs pa'i mchod rten rin chen spungs pa zhes grags pa zangs gling pas bzhengs pa zhig yod do/ / 'jam dpal rnga sgra can gyi sku ni/ nub phyogs lcags ri'i nang na sku rang byung khru gang tsam zhig mchod rten gyi nang na bzhugs pa'i mdun/ rdo'i gan dho la yod pas/ nang phyogs nyi ma dros tsa na/ rna ba gtad nas nyan pas/ rnga sgra 'u ru ru grags pa yod/ de'i rgyab kyi tho skor na rdo leb chen po la/ rgya nag gi yi ge bris pa mang po yod do/ /de nas nam gyi gung la zag pa med pa'i ting nge 'dzin brnyes nas zhal shar du gzigs te/ rnam pa thams cad mkhyen pa'i ye shes brnyes te/ mngon par rdzogs par sangs rgyas so/ /zhag bdun phrag bdun bzhugs pa la bdun phrag dang po la zhabs skyil krung ma bshig par bzhugs/ gnyis pa la bzhengs nas 'dzam bu'i gling thams cad zhabs kyis nye bar bcags te/ rdo rje gdan gyi byang phyogs rdo rje'i ra ba'i nang / bcom ldan 'das kyi zhabs kyis gom pa bcu gnyis bor ba'i sa na/ pad ma chen po phub tsam bcu gnyis byung ba'i mtha' ma'i pad ma gnyis kyi rtsa bar mchod rten re yang yod do/ /de nas bcom ldan 'das kyi rtsa'i gdan bsdus pa'i sa na/ mchod rten byas pa ni logs re la 'dom brgyad brgyad yod pa la/ dpangs su 'dom nyi shu tsam yod pa gcig lho phyogs byang chub kyi shing