phul lo/ /de la khang pa chen po zhig brtsigs byas te/ 'dir byung ba thams cad la snga rim nas gsod lugs mi 'dra ba res sos cig ces bsgo'o/ /byis pa des kyang rgyal pos ji ltar bsgos pa bzhin du bsad do/ /de'i dus na yul dbus kyi shar phyogs nas tshong pa mang pos rin po che sna tshogs len du phyin pa zhig pha ma lam du shi ba'i bu zhig lus pas/ grong khyer shing thags can bya ba'i kun dga' ra bar yong nas/ sgo'i them pa la mgo gtad nas ngu 'dug pas/ dge sbyong zhig dang phrad pas/ des de la bu ci la ngu zhes dris pas gtam brjod de/ bdag la ni za rgyu med do/ zhes pas/ 'o na khyod rang rab tu byung mod ces pas/ khyed la 'dren pa zhu/ zhes pas/ 'di na gnas brtan grags pa bya ba bzhugs pas de la zhu bar bya'o/ /zhes smras nas gnas brtan la zhus pas gnang nas/ rab tu byung ste/ dge tshul gyi sdom pa phog nas bsod snyoms la btang ngo / /des nub phyogs rgyal po a sho ka'i pho brang du ma brtags par/ btsun pa so ma des khang pa'i sgor phyin pas/ khyim bdag gshed ma des bzung nas khyod gsod zer/ des nga ci la gsod byas pas/ rgyal pos gshed mar bskos pa yin pas/ 'dir su byung gsod po'o zer/ de la ma dga' ste/ nga btsun pa gsar pa yin pas/ chos la nyams len bya long med de ma byas so byas pas/ 'o na zhag bdun mi gsod de nas rang 'chi bar 'gyur bas/ zhag bdun chos gyis shig zer bas/ de nas zhag re lon gyin dang / gsod lugs 'di 'dra byed do zer de bred pas chos kyi nyams len ma byung ngo / /zhag drug lon pa dang / rgyal po'i bu dang btsun mo dam pa zhig byi shor bas btsun mo de la chad pa phog ste gshed ma la gtad nas khang par byung bas lha'i bu mo 'dra ba rgyan thams cad kyis mdzes par byas de mthong / der btsun mo de bsad nas sha dum re dang / rgyan sna re bkram pas sha khrag lpags pa rgyu lto la sogs pa rnams shin tu btsog par mthong nas skyugs log ste 'di snyam du/ rgyal po'i btsun mo lus mdzes shing yid du 'ong ba chags pa skye ba'i gnas su gyur pa yang / 'di lta bur mi gtsang zhing rul bas na/ bdag gi lus kyang 'di lta bu yin snyam nas/ mi rtag pa'i 'du shes dang / mi gtsang ba'i 'du shes mngon du gyur nas/ dge tshul de 'khor bar skyo ba drag po skyes te/ sems zag pa las rnam par grol nas/ de nyid du dgra bcom pa'i 'bras bu thob par gyur te/ de nas sang nangs par gshed ma des zhag bdun them par gyur pa dang / khyod gsod byas pas/ dge tshul gyis khyod ji ltar 'dod pa bzhin no/ /byas pas de zangs kha sbyar du 'bru'i nyung mar gyis bkang nas bcug ste/ de la me bus nas nyin zhag gcig nas zangs de dmar lhang nger song bas/ phyi dro zangs kha phye ste bltas pas dge tshul gsar bu de mes ma tshig par pad ma'i steng na/ zil pa phrom me 'dug pas/ gshed ma de na re/ khyod lha'am 'on te klu zhig yin zhes pas/ des smras pa/ bdag ni dge tshul gsar bu zhig yin/ gzhan ni ma yin no/ /zhes pa dang de rgyal po'i snyan du gsol ba dang / ngo mtshar te khang pa der ltar byon pa dang / gshed ma de na re/ rgyal po'i lam sel ba la khyod gsod zer ba dang / des ci la gsod ces pas khang pa 'dir byung ba snga rim gsod par rgyal pos bka' bsgos zer/ nga bas khyod 'dir yong ba snga