ba'i phyir zer ro/ /des shags ma thub nas gshed ma'i lus la rgya skyegs kyi 'dag pas g.yogs te 'og nas me spar bas de 'khun cing / ngas grangs med pa zhig bsad de/ 'di lta bu'i gsod lugs ma shes so/ /zhes zer ro/ /der rgyal po ngo mtshar skyes nas/ btsun pa khyed mes kyang ma tshig pa de ci yin gsungs pas/ nga dgra bcom pa thob pas skye rga na 'chi'i sdug bsngal spangs te/ de yang zhag bdun bsgoms pas thob po zhes lo rgyus zhib tu gsol bas/ rgyal po rjes su yi rangs nas/ rgyal pos smras pa/ 'o na ngas dus ring por sdig pa mang po dpag tu med pa bsags pa de'i rnam smin zad mi shes par 'gyur bas/ de'i sdig sgrib khyed kyis sbyang du gsol zhes gsungs pas/ bdag gsar bu dge tshul ba yin pas ci yang mi shes/ 'o na ji ltar bya zhes pa dang / nga'i mkhan po gnas brtan grags pa rgyal mtshan bya ba sde snod gsum la mkhas pa zhig shar phyogs bya gag gi kun dga' ra ba ru bzhugs pas/ de la zhu bar bya'o zer nas/ des de nyid du cho 'phrul bstan nas mya ngan las 'das so/ /de'i shul na de'i gdung dang ring bsrel la bzhengs pa'i mchod rten zhig kyang da lta yod do/ /rgyal po de'i grong khyer ni rdo rje gdan gyi shar phyogs nas dpag tshad lnga bcu tsam gyi sa/ chu bo gang gA'i 'gram na yod de/ der rgyal po de sdig pa bshags par 'dod nas/ de ma thag tu pho nya btang ste/ zhu ba'i phrin 'di skad du/ rgyal po ngas sdig pa rngams po che 'di tsam byas pas/ de la gnas brtan khyed kyi spyan sngar bdag bshags par 'tshal bas/ khyed 'dir 'byon par gnang ngam/ bdag gnas brtan khyed kyi drung du 'ong gi zhu ba bskur bas/ gnas brtan gyi thugs dgongs la/ rgyal po 'dir byon na yul khams mang po la gnod pa yong bar dgongs nas/ bdag ngos der rgyal po'i spyan sngar mchi'o zhes pa byung bas/ der gnas brtan 'khor dang bcas pa byon pa dang / rgyal pos zhus pa/ bdag la sdig pa mang po byas te bsad pas dmyal bar skyes te/ de la stobs bzhi'i sgo nas bshags dgos te/ de bzhin gshegs pa'i ring bsrel can gyi sku gdung gis brgyan pa'i mchod rten grangs bye ba zhig bzhengs na/ rgyal po khyod kyi sdig pa thams cad 'dag par 'gyur ro gsungs so/ /thabs kyi cho 'phrul gyi mdo las/ ston pa yongs su mya ngan las 'das nas lo brgyad cu lon pa na/ rgyal po ma skyes dgra'i ring bsrel gyi skal ba dang / mdo sde'i rgyal po 'di mchod rten gyi nang du 'jog ste/ lo brgyar byin rlabs kyi mar me dang bcas/ spos dang bcas/ lo brgya na/ dge slong dbang po sde zhes bya bas/ gza' dang skar ma bzang ba zhig la mchod rten chen po zhig byas nas/ rgyal po mya ngan med pa la gtod par 'gyur ro/ /zhes lung bstan pa gsungs pas/ de nas rgyal po mya ngan med pa/ rgyal po'i khab 'od ma'i tsal gyi lcags ri'i nang na/ rgyal po gzugs can snying po'i bu rgyal po ma skyes dgra'i ring bsrel gyi skal ba/ de bzhin gshegs pa'i gdung ring bsrel/ yul ma ha dha pa'i bre'i khal gcagi sbas nas yod pas/ de kha phye la mchod rten ring bsrel ring bsrel can bya snyam nas 'bru bar brtsams te kha phye bas/ der mtshon cha'i 'khor lo byung ste/ 'khor lo de 'khor ba rgyun ma chad par 'dug go/ /de 'byin pa'i thabs med lapa las/ rgan mo gcig na re/ gang