gA'i chu 'dir drangs nas yod zer ba thos nas/ der chu rgyud btsal bas chu mgo rnyaid de/ chu bcad pas ral gri'i 'khor lo 'khor ba de rgyun chad palar gyur to/ /de nas mchod rten nas gdung len pa'i skabs su zangs leb cig la yi ge bris pa byung ste/ 'di skad du/ ma 'ongs pa'i dus su/ rgyal po dbul po gcig gis 'di rnyed par 'gyur ro/ /bya ba'i kha byang 'dug nas/ de la rgyal po ma rang ste/ khong khro skyes nas 'di skad do/ /nga lta bu'i rgyal srid dpal 'byor can la dbul po zer ba 'di brnyas pas/ da ni gudang yang mi 'tshol lo/ /zhes pa la gnas brtan dang blon po rnams kyis gdung 'tshol ba la/ nga rgyal mi rung byas te btsal bas rin po che'i sgrom bu zhig na bzhugs 'dug de'i nang na nor bu rin po che bzhi phyogs bzhir bzhag pas sgron me'i bya ba byed par 'dug na/ de pa re re la yang rgyal po dharma a sho ka'i rgyal srid ri ba byung bas der rgyal po'i nga rgyal chag go/ /de nas gdung ma ga dha'i bre che ba bzhi spyan drangs te/ de yang bre chung ba'i khal gcig yod de/ de min gdung snga ma bzhin sbas te/ ral gri'i chu 'khor yang sngar bzhin 'khor bar byas so/ /da lta yang / mchod rten dpangs su 'dom bzhi bcu tsam pa so phag la byas pa shin tu legs pa zhig yod do/ /de la mchod pa dang skor ba byed pa rgyun mi 'chad pa 'ong ngo / /de nas rgyal po dharma a sho ka la gnas brtan gyi zhal nas/ do nub rang la mchod rten grangs bye ba bzhengs dgos gsungs pas/ rgyal pos nub gcig la de tsam bzhengs mi nus zhus pas/ rgyal po khyod sangs rgyas kyis bka' gnang ba'i rgyal po yin pas/ lha ma srin sde brgyad la bka' bsgo byas pas 'grub par 'gyur ro/ /zhes gsungs pas/ der rgyal pos rdo rje gdan gyi byang chub shing drung du/ mahA bho dhi la mchod pa chen po phul nas/ rgyal pos 'di skad du/ nga de bzhin gshegs pas lung bstan pa'i rgyal po zhig yin na/ bstan pa la dga' ba'i bshes gnyen dang lha srin sde brgyad thams cad kyis grogs gyis shig ces dmod bor bas de ma thag tu de bzhin gshegs pa'i dge bsnyen lha srin sde brgyad tshogs nas/ rgyal pos ji ltar bsgos pa bzhin du bsgrub par bya'o zhes khas blangs so/ /nub dang po la khyad par du rdo rje gdan byang chub kyi shing drung gi mdun du/ mahA bho dhi'i steng du 'dom sum cu tsam yod pa'i rgyu so phag la rin po che sna tshogs kyis spras pa'i bzo khyad par 'phags pa de 'dra ba gzhan rgya gar na yang ye med pa ste/ brtsegs ma bdun yod pa'i nang na sangs rgyas kyi gdung bre gang bzhugs te/ de'i steng na gser gyi mchod rten 'dom gang ba bzhugs so/ /gan dho la brtsegs ma gnyis kyi 'og ma'i nang na/ sangs rgyas kyi sku tsan dan sbrul gyis sning po la bzo bo'i rgyal po bi shwa karmas byas pa/ mes chen po seng ge 'gram gyi sku tshad dang mnyam pa'i zhal gyi dkyil 'khor la brkyangs khru gang dang phyag mnyam bzhag zhabs skyil krung byas pal zhig bzhugs so/ /de'i sgo khang zur bzhi na gan dho la 'dom gsum tsam pa bzhugs so/ /dbus kyi gtsang khang gi gan dho la sgo gsum rim par yod/ nang ma la sgo gcod med lapar sgo'i g.yas g.yon gnyis na byams pa dang / spyan ras gzigs kyi sku re bzhugs pa bzhengs so/ /nub gnyis pa la gnas chen brgyad