du dharma ra dza ka zhes pa'i mchod rten ring bsrel can brgyad bzhengs so/ /nub gsum pa la 'dzam bu'i gling du thub pas zhabs kyis ma bcags pa'i sa phyogs su'ang / de bzhin gshegs pa'i ring bsrel can gyi mchod rten bye ba bzhengs so/ /de na rten ji ltar bzhugs pa ni/ de'i phyi'i sgo mo che'i rgyab na byang chub chen po'i lder tsho zhal la mtho re lhag pa yod pa gnyis zhal lho byang du bstan pa gzhugs/ de ni sngon jo bo shAkya mu ni bzhugs sa yin skad/ de nas khyams phrag pa can na/ rdo'i sku brgyad/ gnas brgyad dang / sgrol ma dang / 'jam dpal dang / seng ge sgra dang / byams pa dang / sangs rgyas kyi sku bzhengs pa g.yas g.yon na mang du bzhugs so/ /khyams kyi rgyab lha phyogs khug na/ dharma a shwa kas sngon tshong dpon gyi bur skyes pa'i dus na/ bye ma phul ba'i lung bstan pa'i sa na/ lha khang gcig bcom ldan 'das kyi bzhengs sku lhung bzed thogs pa mi langs pa tsam zhig dang / mas bu la rdeg pa'i tshul byas pa yod do/ nub phyogs na bdud 'dul byang chub chen po/ zhal bcag khru gang yod pa/ zhal nub tu bstan pa/ bdud kyi dmag 'jigs su rung ba dpag tu med pa lder tshor byas pa bdud kyi rgyal po khye tra pa la dang / hu tra pa la gnyis che tshad 'dom do yod pa 'jigs su rung ba dang / sa'i lha mo bstan mas bcom ldan 'das kyi dpang po byas pa la sogs pa bzhugs so/ /de'i rgyal g.yas g.yon na/ rdo sku mi langs pa tsam bzhengs pal zhal nub tu gzigs pa gnyis la maNDal yang rdo la byas pa yod do/ /de gnyis kyis gang zag kun la chos gsungs pa yin skad/ byang phyogs khyams kyi rgyab na/ 'dum bi ni'i lha dang sku mnyam pa'i tshul du byas lapa'i lder so mi langs pa tsam zhig bzhugs/ gan dho la'i rgyab logs na sangs rgyas stong 'bur du byas pa dang mdo sde'i gtam rgyud mang du bzhugs/ gzhan yang bya dang / chu srin gyi pa tra dang / ri dwags dang / seng ge dang / bzo yi khyad par dpag tu med pa bzhugs/ phyi'i khyams kyi khang steng na/ 'phags pa na ga rdzu nas mdzad pa'i mchod rten che ba gnyis la 'dom do tsam pa re/ chung ba gnyis la 'dom do re yod pa gnyis bzhugs so/ /de dag ni lha ma srin sde brgyad kyis nub gcig la grub par byas pa yin skad do/ /nub bzhi pa la gnas chen po brgyad du dharma ra dza ka zhes pa'i mchod rten chen po brgyad kyi bum pa'i nang du/ de bzhin gshegs pa'i gdung phul re byas pa bzhugs so/ /de'i drung na rdo ring chen po brgyad kyi steng na lha ma srin sde brgyad kyis byas pa'i mtshan ma'i phyag rtags mi 'dra ba brgyad kyang yod do/ /nub lnga pa la/ 'dzam bu'i gling thams cad du sangs rgyas kyi gdung ring bsrel bzhugs pa'i mchod rten bye ba bzhengs par gyur to/ /de nas rgyal po chen po de chos skyong bar gyur nas/ mtshan yang dharma a sho kar grags so/ /rdo rje gdan du yang mchod rten chen po brgyad byas so/ /sngar brjod pa'i bcom ldan 'das kyi gnas dag tu yang / mchod rten dang sku gzugs kyang rgyal po des mdzad pa yin skad/ de nas dus phyis sangs rgyas mya ngan las 'das nas/ lo lnga brgya lon pa na/ slob dpon klu sgrub byon nas rdo rje gdan du phyi khyams phrag pa can la ka ba nyi shu yahod pa de mdzad do/ /de'i phyi rol byang chub kyi