shing la glang po che'i gnod pa 'byung gis dogs nas/ rdo'i ra ba bzo ngo mtshar che ba sna tshogs yod pa zig mdzad do/ /de la sgrol ma brgyad dang mgon po brgyad kyi sku yang mdzad do/ /legs par bltas pas de dag mthong na dngos grub sna re mi yong mi srid de mthong ba nyung skad/ ra ba de rnams rnam thar sgo gsum gyi tshul du sgo gsum yod/ der slob dpon klu sgrub kyis skor ba mdzad pas/ ka pa li'i nang na thugs dam sgrol ma bzhugs te/ brus nas yang blang bar brtsams pas/ sgrol ma'i zhal nas/ nga ma len par 'dir zhog dang / sems can gyi don du 'gyur gyis gsungs nas der bzugs te/ de'i steng du co ba ri zhes pa'i lha khang zhig mdzad do/ /de nas slob dpon klu sgrub kyis bdag la dam tshig gi sel yod pa yin nam dgongs nas tsam pa ka'i shing lnga btsugs nas bden pa'i ngag 'di skad ces brjod do/ /nga dam tshig nyams na shing de dag mi skye bar shog cig dam tshig ma nyams na shing 'di dag myur du skye bar shog cig ces gsungs pas/ shing de dag skyes te da lta yang yod do/ /de'i mtshan yang ka pa li ta rer grags so/ /rdo rje gdan gyis shar lho'i mtshams kyi lcags ri'i nang na/ zhal byang du bstan nas bzhugs te/ de'i sku tshad ni mtho gsum par yod pa de cher song nas mtho bzhi par song tsa na/ 'phags pa klu sgrub byon nas/ sems can gyi don mdzad skad do/ /sku de dang por byon tsa na rang byung mtho gang ba zhig byung ba yin te 'phral rim gyis skyes ba yin skad do/ /de'i rtsa na mgron mo ta re bya ba/ lho phyogs rgya mtsho'i 'gram nas byon pa'i sku khru gang ba zhig zhal byang du gzigs pa dang / mchod rten khang bu'i nang na yod pa zhig bzhugs so/ /de na shing Na?ya gro ta'i sdong po che ba zhig kyang yod do/ /bcom ldan 'das kyi sku bzhag pa gcig kyang yod/ de'i nye logs kyi lho phyogs na/ rgyal po chen po bzhis lhung bzed phul ba'i sa na/ de'i dpe byas pa'i mchod rten yod/ dpangs su 'dom bzi tsam pa gcig bzhugs/ de'i nye logs na phar sangs rgyas dang / lha'i bu nyi ma mjal ba'i sa na/ mchod rten nyi ma'i rtags yod pa zig bzhugs/ lha'i bu zla ba dang mjal ba'i sa na yang / mchod rten zla ba'i rtags yod pa zhig bzhugs/ che tshad 'dom drug drug yod do/ /byang chub lam gyi steng logs na sangs rgyas dang / 'phags pa dga' po dang 'grogs nas byon pa'i sa na/ mchod rten 'dom do tsam pa gnyis bzhugs/ rdo rje ra ba'i phyi zur lho nub mtshams na/ mchod rten dpangs su 'dom phyed do tsam pa/ rgyu rdo la grub pa cig yod do/ de byang chub sems dpa' sa bcu pa zhig gis mdzad kyang zer/ mgron po yin yang zer/ de'i nub phyogs 'dom nyi shu tsam gyi tshod na/ bcom ldan 'das kyis mdo sde mdzangs blun le'u dang po gsungs pa'i sa na/ khri ma bshig pa'i sa ru rgyal po dharma a sho ka'i bu zhig dgra bcom pa lnga brgya'i tshogs kyis rab tu byung ste/ bsnyen par rdzogs nas dgra bcom pa thob pa de na/ mchod rten lnga bzhugs so/ /de'i dbus ma la sangs rgyas stong gi sku bzhugs ste/ dpangs 'dom gsum tsam mo/ /de'i zur gyi mchod rten bzhi la 'dom re re yod do/ /der 'gro ba'i lam nub phyogs na yod pa'i lam na/ shing Na?ya gro ta'i sdong po zhig kyang yod/ nub phyogs kyi rdo'i ra ba'i rgyab