kyi byang phyogs su nye ba na/ dpal lha las babs pa'i gzhi yi gan dho la 'dom lnga tsam pa de nang na bcom ldan 'das kyi sku tshad 'dom gang ba zhal shar du bstan pa bzhugs/ a dkar bho dhi'i rtsa 'od zer 'gyed du bzhud pa'i lam gyi g.yon phyogs na bcom ldan 'das kyi zhabs rjes kyi sku tshad rdo'i pad ma'i steng na bzhugs te/ de ni bram ze mchog gi pad mas byas pa yin yang zer/ nub byang mtshams kyi nang nas sangs rgyas kyis bco sga dang / sman mar bsres pa gsol ba'i sa na rdo'i mchod rten 'dom phyed do ba/ rdo zhig la byas pa zhig yod/ dgra bcom pa gcig gis mdzad pa yin kyang zer/ de dang nye ba'i logs na/ bcom ldan 'das kyis sman tsha ba gsum gsol ba'i sa na mchod rten dpangs su 'dom lnga tsam pa'i nang na/ bcom ldan 'das kyi sku tshad rdo la byas pa mi chung shos tsam pa zhal byang du bstan pa zhig bzhugs te/ der da lta yang sman dri la sogs pa byug go/ /de la sku khrus byas pa'i chus nad pa la sogs pa khrus byas pas nad sos pa dang / snying rlung zhi bar 'gyur ro/ /byin rlabs shin tu che ba zhig bzhugs so/ /de'i shar phyogs skor lam na sgrol ma'i sku brkyangs khru gang pa zhig gi steng na/ co ba ri'i lha khang 'dom gsum pa zhig yod do/ /de dang po yon bdag gis zhal byang du bstan nas bzhengs pa la skor ba byed pa'i rdul gyis gos par/ yon bdag gi bsam pa la bcom ldan 'das la rgyab bstan pa 'di ma legs te/ zhal lho phyogs su bstan nas bzhengs rgyu yin pa la snyam nas yid mi bde ba las/ de'i rmi lam du khyed de tsam du yid mi bde mi dgos/ nga rang kha lhor blta bas chog zer nas/ sang nangs par lha khang dang bcas pa 'gyur 'dug ste/ de la zhal 'gyur ta re zhes grags so/ /de'i shar gyi nye logs na/ slob dpon tsan dra go mi'i thugs dam du tsan dra lo ki shwa ra zhes pa'i gtso 'khor lnga brag ri dang bcas pa rdo la bzhengs pa bzhugs te/ de'i lha khang gan dho la 'dom drug yod de/ de byin rlabs che bas spar ti 'dzugs pa mang po yang yong / lcags ri'i nang na lhor 'gro ba'i lam g.yas g.yon na mchod rten dpangs su 'dom gsum pa gnyis kyi nang na/ spyan ras gzigs dang / seng ge'i sgra'i sku rdo la bzhengs pa yod do/ /de dag byin rlabs che ba yin skad do/ /sku de gnyis las 'od 'byung bas de bag re mthong ba yang yod/ lam de'i shar phyogs na/ bcom ldan 'das kyis bdud sdig to can dpa' skong ba'i sa na/ sdigs pa'i co ba ri zhes pa'i lha kang 'dom gsum pa gcig gi nang na bcom ldan 'das kyi sku tshad tsam pa bzhengs nas phyag nam mkha' la 'phyar ba/ g.yon pa dku la brten nas/ bdud la sdigs pa'i tshul mdzad pa zhig bzhugs so/ /byang shar mtshams kyi skor lam gyi nang na rdo sbram po byas pa'i mchod rten dpangs su 'dom gsum tsam yod pa/ logs kun la sangs rgyas kyi sku bzhugs pa zhig yod de/ sngon 'phags pa dgra bcom pa zhig gis bzhengs te/ dang po lcags ri'i phyi rol na dga' snyam pa na nub mo de lcags ri'i nang du byon 'dug skad/ de la mchod rten mgron po che zer ro/ /de'i nang logs nye ba na mchod rten gzhan dang mi 'dra ba 'dom gsum tsam pa zhig nas/ lho phyogs su mda' rgyang gang tsam na/ mchod rten gcig yod pa'i bar de/ sangs rgyas rabs bdun gyi sku 'chag sa