yin skad/ shar lam dang skor lam gyis bsnol ba'i mtshams kyi nang logs na rdo'i mchod rten sbram po la byas pa'i 'dom gang tsam yod pa'i bum pa la bcom ldan 'das kyi sku 'bur du dod pa bzhugs pa'i mdun na/ rdo'i maNDal khru gang tsam pa zhig yod do/ /de'i gtam rgyud ni lho phyogs rgya mtsho'i 'gram na bud med cig gis yon bdag mo byas te bzhengs pa la/ bud med des 'chi kar nga'i macod rten la mchod pa 'bul mkhan mi yong bsam yod pa la/ mo'i rmi lam du khyod de tsam du sems sdug mi dgos pas/ nga rang rdo rje gdan du byon nas/ da lta yang mchod pa rgyun mi 'chad du byed pa mang / de byin rlabs shin tu che bas/ mchod rten mgron po yin skad do/ /de'i nye logs skor lam na/ rdo'i mchod rten 'dom phyed do tsam pa/ sangs rgyas stong gi sku gzugs bzhugs pa zhig yod do/ /de ni nA len dra nas byon pa'i mchod rten mgron po yin zer/ shar pyogs kyi stod na co ba ri lha khang 'dom do tsam a sho ka ta re zhes pa/ phyag gnyis spyi bo'i thog tu bsnol zhing 'gying chags pa skra khru gang ba tsam yod pa/ byin rlabs can zhig bzhugs/ de nas dbu rtse'i mdun shar phyogs lam gyi dkyil na bcom ldan 'das kyis rdo la zhabs bzhag pas bkra shis rtags brgyad dang bcas shin tu legs la dod pa'i zhabs rjes byon te/ de na rgyu rdo ba la pad ma'i gdan byas pa la/ 'phang du khru do yod pa'i steng na ring tshad mtho brgyangs pa gsum yod pa zhig bzhugs/ de nas rdo'i rta babs ri dwags dang bcas pa dang / bzo khyad ngo mtshar can gzhan yang yod pa gcig bzhugs pa de'i drung na dharma a shwa ka'i spyi bor mar me stong gi mchod sdong bzhugs pa'i dngos po yang yod do/ /lho'i lam gyi dkyil na rgyal po dharma pa las/ byang chub chen pa la 'khor gsum yongs su dag pa byas nas phul ba'i sa na/ mchod rten 'dom phyed do tsam zhig bzhugs/ dpal ldan 'bras spungs kyi mchod rten dang / kha sarpa Ni'i gan dho la'i dpe yang bzhugs so/ /de na dus phyis lcags ri byas pa'i ngos re la mda' rgyang gsum tsam yod pala'i nang logs na/ lha brgya phrag re tsam yod pa las byin rlabs can ni shar gyi sgo mo phye ba'i phug na sgo srung dpal ma hA ka la bzhugs/ arya de ba'i thugs dam sgrol ma bzhugs so/ /de'i nye logs na gshin rje gshed dgra nag ma he'i steng na bzhugs pa mi tsam gcig dang / shar lho na don zhags zhal gcig phyag gnyis pa gcig bzhugs/ de dang nye ba'i lho phyogs na spyan ras gzigs gdan khri gsum brtsegs pa khru gang tsam pa zhig bzhugs/ tri ta ra zhes pa ral gcig ma dbyug pa bsnun pa'i tshul byed pa zhig bzhugs/ de'i steng lcags ri'i zur na dkon gnyer 'dug sa gcig bzhugs/ yang lho ngos la ma hA ka la byin rlabs can zhig bzhugs/ lho'i sgo srung mgon po byin byin rlabs can gcig bzhugs/ spyan ras gzigs gar byed pa zhig dang / dzam bha la byin rlabs can gcig dang dgyes pa rdo rje byin rlabs can gcig kyang bzhugs/ lha nub mtshams kyi zur khug na 'jam dpal smra ba'i seng ge byin rlabs can zhig kyang bzhugs/ de nas nub phyogs logs na lha mo ku ru ku le byin rlabs can gcig bzhugs/ 'jam dpal a ra pa tsa na rang byin yin skad pa byin rlabs can zhig bzhugs/ de la mchod pa byed pa shin tu mang ngo / /jo bo thugs rje