chen pa yi ge drug ma gtso 'khor drug pa byin rlabs che ba gcig bzhugs/ nub byang mtshams na byang chub chen po byin rlabs che ba gcig bzhugs/ de nas byang phyogs logs na spyan ras gzigs byin rlabs che ba can gcig bzhugs/ de nas dpal he ru ka zhal gsum phyag drug pa zhig bzhugs/ de'i 'gram byang sgo'i lcags ri'i steng na lha bshos rgyu'i 'bras chan 'tshod pa'i khang pa zhig yod/ de'i sgo na spyan ras gzigs kyi mchod rten lha khang bzhugs/ byang phyogs kyi sgo'i lcags ri'i shar ngos na/ byang sgo srung ba'i sing ga gling pa'i chos skyong mgon po zhal gcig phyag bzhi pa rdo sku 'jigs su rung ba zhig bzhugs/ de dang nye ba na spyan ras gzigs yum can zhal bzhi phyag bcu gnyis pa dang / dpal he ru ka dgyes pa rdo rje phyag drug pa dang / de dang nye ba na mi g.yo ba pus gtsugs pa dang / de dang nye ba na gsang 'dus mdor byas kyis gtso byas pa zhal gsum phyag drug pa rdo rje dril bu thugs kar bsnol ba mi langs pa tsam zhig dang / de'i ne logs na rdo rje rnal 'byor ma gnyis bzhugs/ a ra pa tsa na lnga mtho re tsam pa bzhugs/ de dang nye ba'i shar ngos na chu khung ta re zhes pa'i slob dpon klu sgrub kyi thugs dam du mdzad pa rdo sku khru gang ba gcig bzhugs so/ /sngon rgyal po dharma pa las/ sing ga gling pa la chad pa bcad de/ rab tu byung ba bkrongs pa las sing ga gling pa'i rab byung gcig gis chu khung ta re la skyabs su song ba la/ jo mo na re/ khyed bde skyid dus su nga mi dran par da lta dran nam/ da khyed chu khung 'dir gob gsungs nas/ chu khung mi shong ba zhig tu gyur nas/ yib pas thar nas rab tu byung / de rgyal gar shar phyogs thag ring por bros pa las/ rgyal po dharma pa las rdo rje gdan gying steng khang gi sgo phye bas ye ma bye nas/ 'di ci yin gsungs pas/ 'di dbye ba la sing ga gling pa'i rab byung zhig dgos zer nas/ rgyal pos bsams pas/ rab tu byung ba bsad pa dran pas/ jo mo ta re la skyabs su song ba gcig thag ring po na yod zer ba la/ de 'gugs pa la/ mi gsod pa'i dpang po byas nas/ dge slong des sgo phye bas bye nas/ rgyal po ngo mtshar skyes te rab tu byung ba bsad pa la 'gyod pa skyes te/ sdig bshags su 'khor gsum yongs dag byas nas/ rdo rje gdan du phul/ lcags ri'i sgo mo che'i byang ngos na/ lha mo 'od zer can gyi rdo sku byin rlabs can mi langs pa tsam gcig bzhugs/ de'i nang g.yas g.yon na gnod sbyin gyi rgyal po chu srin zhon pa phyag na gri gug dang thod pa thogs pa/ 'jigs su rung pa/ sku shin tu che ba gnyis bzhugs/ lho byang gi lam zheng la 'dom gsum tsam pa/ shar la 'dom dgu tsam/ lcags ri'i nang gi skor lam 'dom do do yod do/ /byang lam la 'dom gang lhag tsam yod/ de dag gi bar gyi gling thams cad ni rdo dang so phag la byas pa'i mchod rten co ba ri gan dho la grangs med cing byin rlabs can bsam gyis mi khyab pa bzhugs/ /de nas shar ngos kyi lcags ri'i ngos/ sgo mo che'i thad kar mda' rgyang gang tsam na/ nairanyadzana'i 'gram na dpal ldan mgon po beng ma'i bzhengs sku seng ge'i steng na bzhugs pa/ phyag gnyis dbyug pa dang / be con oM tshugs su byas pa/ sku shin tu chai zhing 'jigs pa gnyis zhal shar du bstan nas bzhugs/