gnas 'jog go/ /de'i bu khyim g.yo'o/ /de'i bu tsha bo/ yang tsha/ sum tsha'i rgyud rgyal po lnga khri lnga stong grong khyer ser skya'i gzhir byung ste/ de rnams kyi tha ma ni shing rta bcu pa dang / shing rta brgya pa dang / shing rta dgu bcu pa dang / shing rta khra bo dang / shing rta rgyal dang / bstan pa'i shing rta dang / gzhu bcu pa dang / gzhu brgya pa dang / gzhu dgu bcu pa dang / gzhu rgyal dang / gzhu skra dang / gzhu brtan la bu gnyis te seng ge 'gram dang / seng ge sgra'o/ /seng ge 'gram ni 'dzam bu gling gi gzhu thogs ji snyed cig gi mchog tu gyur pa'o/ /de la bu bzhi ni/ zas gtsang dang / zas dkar dang / bre bo zas dang / bdud rtsi zas so/ /bu mo ni gtsang ma dang / dkar mo dang / bre mo dang / bdud rtsi ma'o/ /zas gtsang ma la sras gnyis te/ don grub dang dga' bo'o/ /zas dkar la bu gnyis te/ tshe dang ldan pa rgyal ba dang / shAkya bzang ldan/ shAkya bre bo zas la bu gnyis te/ ming chen dang / tshe dang ldan pa ma 'ag pa'o/ /bdud rtsi zas la bu gnyis te/ tshe dang ldan pa kun dga' bo dang / lhas sbyin no/ /gtsang ma'i bu ni legs par rab zad do/ /skar ma'i bu ni 'phreng ba can no/ /bre bo ma'i bu ni bzang len no/ /bdud rtsi ma'i bu ni dge 'phel lo/ /don thams cad grub pa'i bu ni dgra gcan 'dzin yin te/ dgra bcom par gyur nas/ rgyal po'i gdung rgyud rdzogs/ srid pa'i 'phreng rgyud chad/ skye ba'i 'khor ba zad do/ /de yang srid pa med do/ /'di'i skabs na 'dul ba'i lugs kyi rgyal rabs gda' ste gong dang phal cher 'dra bar gda' bas ma bris so/ /de nas byang chub sems dpa' spyan ras gzigs dbang phyug gi thugs dgongs la/ ngas dang po mgon po tshe dpag tu med pa'i drung du bya phyogs kha ba can gyi sems can rnams tha ma chos kyis smin par bya bar chas pa'i dam bcas pa de bsgrub pa'i phyir/ nyin lan gsum mtshan lan gsum du gzigs kyang / kha ba can gyi sems can rnams ni dbu rgod du gyur pas shin tu 'dul dga' bas/ zhi bas mi thul bas tha ma drag pos 'dul dgos pas/ khrims dang chad pa la brten nas 'dul dgos par gzigs nas/ de yang tab tu dbang che bar grags pa gcig gis 'dul dgos te/ 'dzam bu'i gling na dbang che ba ni/ rgyal rigs yin pas/ rgyal po'i rigs su sprul bas 'dul bar gzigs/ de yang / 'dzam bu'i gling gi rgyal po la snga ba ni/ rje mang pos bkur ba yin te/ de yang ji ltar yin na/ dang po sems can gyi spyi mthun gyi las dang / sangs rgyas kyi dang po'i smon lam gyi mthus/ nam mkha' stong pa las rlung gi dkyil 'khor ljang nag tshan po che'i stobs kyis kyang mi bshig pa sra ba zhig chags so/ /de'i thad kar khams sna tshogs 'dus pa'i sprin chags te/ char gyi rgyun chen po babs so/ /de la chu'i dkyil 'khor dkar po/ rlung gis 'khyom pa'i khar/ spris ma'i tsul du rin po che'i sa gzhi dkyil 'khor ser po chags so/ /de'i steng du rin po che'i sprin kha dog sna tshogs pa chags so/ /char pa'i rgyun ni glang po che'i pho mtshan tsam gyi chu babs so/ /rin po che'i mtsho rlung gis bsrubs pa las/ rin po che'i ri brgyad dang / ri bo ngos yangs kyi mtha' 'khor bar chags pas/ chu de dar ba ltar gyur to/ /de'i bcud gling bzhi gling phran brgyad dang bcas pa