chags te/ chu de ba tshwa can gyi rgya mtsho chen por gyur te/ de'i steng du gling rin po che'i sa gzhi chags pa'i steng du/ ri rab kyi steng nas/ 'od gsal gyi lha bsod nams zad pa zhig 'dzam bu'i gling du lhung ngo / /de ni gshed lha zhes bya'o/ /de'i grogs su lha mo zhig byung ste/ gshed lha grogs zhes bya'o/ /de la yid la bsams pa'i bu byung ste/ gshed bu zhes bya'o/ /de yang bskal pa bzang po'i mi thams cad lha bzhin dbang po ma tshang ba med pa/ nam mkha' la thogs pa med par 'gro ba/ lus la 'od yod pa/ zas su dga' bde za ba/ bdag dang gzhan gyi 'dzin pa med pa/ de dag ni lha dang mi gnyis la/ mig 'byed 'dzum las khyad med do/ /de'i dus na zhag ces bya ba kha dog dmar ser ram/ rgod yar ma'i zho 'dra ba/ ro sbrang rtsi ma bskol ba lta zhim pas/ rngams su sor bcu drug yod pa thams cad du khyab par dbugs chags pa yod do/ /dus shig tsa na/ rkam chags can zhig gis mtheb mdzub kyis myang bas zhim nas/ mang du zos pas/ lus kyi kha dog ngan du song / nyung du zos pas kha dog bzang bas/ de nas nyon mongs pa'i dang po nga dang khyod du bsre ba byung ste gcig gis gcig la brnyas pa byas pas/ thams cad sbran te zos pas/ khams kyi zas kyi dang po de nas byung ngo / /de zos pas nyon mongs pa gti mug 'phel bas/ lus kyi 'od de nyams so/ /de nas sa'i bcud ces bya ba phun sum tshogs pa/ kha dog dong kha'i me tog lta bu ser po rngams su sor brgyad pa/ ro mchog sbrang rtsi ltar zhim pa chags so/ /sems can de dag 'du zhing tshogs nas/ zas de myong zhing zos pas/ de yang nub nas thams cad yi chad pas/ kyi hud ces 'dzer te kye sa'i bcud med do zhes mya ngan gyi oM tshugs byed cing mya ngan byed do/ /smre sngags 'don par gyur to/ /de'i rjes la sa zhag ldum bu'i tshal zhes bya ba kha dog ni 'dam bu ka ra'i me tog lta bu bre 'o snar ro/ /ro sbrang rtsi ltar zhib pa/ dpangs sor bzhi yod pa gcig chags so/ /de yang zos pas nub nas/ mya ngan dang sdug bsngal byed do/ /sems can de dag la 'od maid par gyur te/ mun pa byung nas/ sems can spyi mthun gyi bsod nams dang / las kyi dbang gis snang bar byed pa'i nyi ma byung ngo / /lha rnams kyi 'od phyogs gcig tu byas pas de nyid dmar po byas pas/ ya gi nyi ma yin zhes smras so/ /de nub nas zla ba byung bas/ dkar por byas pas/ ya gi zla ba yin zhes zer ro/ /de nas nyi ma dang / zla ba dang / gza' skar yang byung ste/ bsil drod kyang snyoms so/ de nas 'bras sa lu phug ma med pa/ snye ma re re la bre bzhi bzhi yod pa byung ngo / /nangs za ba nangs len/ nub za ba nub len par byed pa las/ nyes pa thams cad kyi rtsa ba gsog 'jog yin pas/ longs spyod la ser sna dang mnga' ris byas te/ phyis zas la sgo rnogs te las ngan gcig gis nangs nub dang / zhag bdun gyi bar zas 'bras dus gcig la blangs te/ 'bras shun skogs phag tu sbas nas yod kyang / med do zer nas rdzun byas pas/ de yang nub par gyur to/ /de nas sa lu tho rtse ra skye ba byung ste/ 'bras la shun skogs dang gra ma dang gang ma byung ste/ de khams kyi za rags pa yin pas/ de zos pas/ bshang gci byung ba'i lam bug pa gsham du dod do/ /der pho dang mo'i matsan ma yang byung ngo / /der