mi gcig gis gcig la phar lta tshur lta byed do/ /gcig gis gcig la mig 'bur tshugs su bltas pa la brten nas chags pa skye bar gyur to/ /'khrig pa'i 'dod chags spyad do/ /de gzhan gyis mthong ba na rdul 'thor ba dang / bong ba dang / gyo mo dang / rdo ba brdegs pa dang / ngo tsha ba byed do/ /de mi mthong bar byed pa la khang bu brtsigs te/ de'i tshe rang la yod na dga' la/ gzhan la yod kyis dogs pa'i phrag dog skyes te/ der rang rang gis bgos te bdag bzung byas pas/ sa cha la mu tshigs bcug pa las/ sa lu phung por bzhag pa la brku ba byung ste/ khyer ro byas pas/ ngas ma blangs so zer te rdzun dang g.yo sgyu de nas byung ste/ ngan smra zhing mi rkun ma khyod/ mis mi byed pa'i las byed pa re ngan zhes bzlos pa'o/ /de'i dus su sems can kha cig na re/ yongs su 'dzin pa ni nas dang 'bras 'dra'o zer nas bdag 'dzin spangs nas dben par song / de la bram ze zhes grags te/ mi rigs bzhi'i dang po zhig de nas byung ste/ de bram ze'o/ /des mi rnams kyi nang du rig byed 'dod zhing zas slong bas/ mdun na 'don zhes grags so/ /dus phyis rgan rabs rnams rim gyis shi nas de'i 'og tu lha tshos 'chos pa'i mthil bzang sa rnams su khyim thab byas te/ phyogs bzir sgo bzhi dang ldan pa'i gnas khang byas pas grangs nyung ba rnams la grong zhes bya/ mang ba la khyer zhes bya ba ming du grags so/ /de nas kun 'tshogs nas bgros te/ 'di rnams kyi nang nas mi ngang rgyud bzang ba/ gzugs byad mdzes pa/ shes pa dang bsam pa che ba gcig dpon du bskos la/ thams cad kyi bdag pa byed du bcug ste/ de la dbang bskur ba la des ci bsgo ba nyan no zhes dam bcas so/ /de thams cad kyis de la dbang bskur ro/ nyes pa byas pa la chad pa chod cig bzang dang legs pa byas pa la bya dga' dang phan thogs shig ces skyes bu drang por gnas pa des/ thams cad la sa mnyam par bgo bsha' byas te/ byin pas rang gi skal ba chad do/ /der gzhan thams cad na re/ 'di bzang bas skal ba chad pa mi rung bas so so nas drug cha re bsdus la de la byin/ zhes phul bas/ der skal ba bas lhag pas rgyal po zhes grags so/ /mang pos bkur bas na/ mang pos bkur ba zhes bya'o/ /de nas zhing gi bdag po dang / phongs par gyur pa thams cad la phan 'dogs shing skyong bas 'khor thams cad dga' bar byed pas/ rgyal po chen po zhes bya'o/ /de nas sems can ngan pa 'gas/ yod pas khengs pa dang nga rgyal byas/ med pas rku dang 'phrog pa byas pas khrims dang 'gal ba la/ blon po kun gyis chad pa bcad pas rje rigs dang / dmangs rigs/ rigs ngan gdol pa can byung ngo / /der dge sems med cing / blun zhing rmongs pa rnams dud 'gror gol nas/ rta ba glang / phyugs lug byung ngo / /mi dge ba sdig pa spyad pas/ 'bras bu ngan song 'phel lo/ /'dzam bu gling gi rgyal po la snga ba ni/ mang pos bkur ba yin la/ de ni mi'i chos lugs legs pas skyes bu rnams mgu bar byed cing / rang bzhin gyis tshul khrims/ shais rab dang ldan pas nyams su blangs te gnas pa rgyal po'o/ /de'i dus su mi rnams kyi ming ni sems can zhes bya'o/ /mang pos bkur ba'i bu 'od mdzes de'i dus su/ mi rnams kyi ming ni tshur shog chu stod/ chu smad ces bya bar gyur/ de'i bu dge ba/ de'i dus