su/ /'phrin las bsam gyis mi khyab pa zhig mdzad pa la/ mi mjed 'jig rten gyi khams 'dir yang / skyes pa 'dul ba la 'phags pa spyan ras gzigs dbang phyug dang / bud med 'dul ba la rje btsun sgrol ma dang sku gnyis su sprul nas/ 'gro ba sems can gyi don mdzad pa yin no/ /spyir sangs rgyas dang byang chub sems dpa' rnams dang / skye bo tha mal pa yan chad la bka' drein che sta/ེ de yang 'dzam bu'i gling gi lho phyogs ri bo gru 'dzin/ zhes pa'i steng nas 'phags pa spyan ras gzigs dbang phyug 'khor lha gtso che ba la chos gsung la/ 'og na sgrol mas 'khor klu dang / lha ma yin 'dus che ba la chos ston te/ sprul pa'i sku'i gtso bo gnyis de na bzhugs so/ /gzhan yang ri de la sangs rgyas kyis sprul pa byang chub sems dpa' du mas gang nas bzhugs te/ sems can rnams la thugs rjes gzigs so/ /khyad par du kha ba can gyi sems can la thugs rje brtse bas gzigs pa yin te/ 'phags pa ni gang la gang 'dug du byon par gsungs/ bskal pa bzang po 'di/ 'das pa'i dus kyi bskal pa dgu rtsa gcig na/ sangs rgyas 'jig rten du ma byon pa'i tshe/ 'phags pa spyan ras gzigs dbang phyug gis ma 'ongs pa'i dus na snyigs ma lnga dang ldan pa'i sems can/ sangs rgyas dang byang chub sems dpas mi 'dul ba la/ phyi rol pa'i lha'i gzugs dang / rtags dang / mtshan mas 'dul bar gzigs nas/ lha thams cad mkhyen pa zhes bya ba'i ting nge 'dzin la snyoms par bzhugs so/ /de nas lha dbang phyug chen po ni/ dpral ba nas byung / tshangs pa ni phrag pa g.yas nas byung / khyab 'jug ni phrag pa g.yon nas byung / snying las ni mthu bo che byung / nyi ma ni mig g.yas pa nas byung / zla ba ni mig g.yon pa nas byung / chu lha ni lto ba nas byung / dbyangs can ma ni mche ba nas byunga'/ kha nas rlung lha byung / rkang pa nas sa'i lha mo bstan ma byung / zhes pa ni/ mdo sde za ma tog bkod pa nas gsungs te/ 'khor ba ma stongs kyi bar du sems can gyi don mdzad pa yin la/ sgos kyi bod yul kha ba can gyi sems can de dag ni/ dang po mtho ris thob pa'i skal ba med pas/ byol song dang dud 'gro'i rang bzhin mtsho la kha ba babs pa bzhin ngan 'gro nas/ ngan 'gror skye ba dngas rgyas kyi gdul bya'i rten mi med pa kha ba can gyi sa phyogs na sangs rgyas kyi bstan pa med/ sngon de bzhin gshegs pa'i zhabs kyis ma bcags/ gsangu gi 'od zer gyis kyang ma khyab/ mtshan mo'i mun rum dang 'dra ba mun pa'i smag tu gyur pa bzhin du/ nag thibs te 'dug go/ /'dzam bu'i gling gi yul ngan shos yin te/ 'dzam bu'i gling la yul khams chen po bzhi yod skad/ yul chen po bcu drug gling dei dbus phyogs na o rgyan rdo rje chen po'i pho brang zhes bya pa rig pa 'dzin pa rnams kyi gnas yod/ gsang sngags rdo rje theg pa chen po phal cher de nas byung / shar phyogs rgya nag ri bo rtse lnga na 'phags pa 'jam dpal gyi bzhugs gnas yod/ gzhan yang yul phran stong dang / mi rigs mi 'dra ba sum brgya drug cu dang / skad rigs mi 'dra ba bdun brgya nyi shu yod skad do/ /ri rgyud chen po bzhi yod de/ lho phyogs phyi'i rgya mtsho dang nye ba na ri bo ma la ya zhes bya ba yod/ de la tsan dan gyi nags tshal yod/ de'i rtse mor bya phug ron yod/ sked pa na sbrul