pas mjug ma med pa dang / gdong dmar ba/ bzhin nag la mi sdug pa/ sha dmar po dang khrag dron mo la dga' ba byung / de rnams kyi nang nas gcig lha las tshe 'phos pas/ dal ba dang / g.yung ba/ rang rgyud 'jam pa/ dkar po la dga' ba zhig byung / gcig lha ma yin las tshe 'phos pas khong khro ba/ tshig rtsub pa/ nga ro dang zhe sdang ba/ nga rgyal che ba/ 'thab rtsod la dga' ba zhig byung / gcig mi las tshe 'phos pas 'dod chags che la mi nor la dga' zhig byung / gcig byol song las tshe 'phos pas legs nyes cha mi phyed pas go ba dang shes rig med pa zhig byung / gcig yi dwags las tshe 'phos pas/ byad gzugs ngan red pas ser sna 'jur 'gegs la khong gtum pa/ sdug sran che ba gcig byung ngo / /de rnams smra shes pa 'ba' zhig byung ngo / /de pa ma la ltogs nas za bar 'dug nas pha spre'u des lho phyogs nags ma bya tshogs can du spre'u'i khyur bskyal lo/ /de rnams dang sprel mo rnams 'tshogs pa las lo gcig la sprel phrug bzhi brgya 'phel lo/ /lo gcig lon nas byang chub sems dpa' spre'u des ci 'dra ltar phyin pa dang tsha bo rnams bkres shing rid par mthong nas dbyar gyi dus su nyi ma dang char pas gdungs/ dgun gyi dus su kha ba dang lhag pas gdungs/ zas skom dang gos ni med/ 'tsho ba longs spyod kyis phongs te shing tog gis gsos pas de rnams kyi lus kyi spu thams cad byi/ rkang lag la tsher ma zug mjug ma rnams kyang skya ba bzhin no/ /de rnams ma skyong ma sos nas sdug bsngal zhing nyam thag pa 'di cis lan bsams pas khyim thab byas bu tsha rlog pas lan pas 'di 'phags pa'i gsung bzhin bsgrubs pas lan par gyur bas/ rdzu 'phrul gyis 'phags pa'i drung du phyin te kye ma 'di ni rang gi sngon gyi las/ 'phags pa la 'khrul pa mi mnga' ba/ 'phags pa la khro ba dang / snang ba log byar mi rung bas bdag gis zhu zhing gsol ba 'di skad ces gsol te/ kye ma khyim thabs 'khor ba'i brtson rar ma shing / /bud med bdud kyi bshol 'debs yin par ma rtogs par/ /bu tsha 'khor blo brid yin par ma go lags/ /'dod pa dug gi lo ma yin par ma rtogs so/ /snying rje chags par gyur pas bdag bslus so/ /'dod pa'i 'dam gyis sdug bsngal dri yis non/ /nyon mongs dug gsum las ngan rigs kyis btab/ /sdug bsngal nad kyis bdag ni gzir gyur pas/ /'khor ba'i btson rar bdag nyid rang gis bcings/ /ma rig mun thibs rtog pa'i drwa bar gyur/ /da ni bu tsha gso rigs ji ltar bgyi/ /'phags pa bdag ni 'di lta bu ru gyur/ /ces smre sngags brjod de gsol ba btab/ mkhan po lags/ bdag ni srin mo dang khyim thabs byas pas bu tsha mang po 'phel nas ma sos so/ /bdag rang yang sdug bsngal nyam thag lus po yang 'di ltar thal/ de la ji ltar bgyi zhus pas/ 'phags pa rab tu dgyes nas mkhyen bzhin du spre'u la rigs kyi bu khyod 'aungs sam zhes gsungs nas lan ji ltar gyur pa bsnyad pa dang / 'phags pa'i zhal nas khyod kyis de bzhin legs so/ /bod kha ba can gyi yul 'di ni mun pa'i smag rum dang 'dra ba mi ma yin pas yul la dbang byas pas yang dag par rdzogs pa'i sangs rgyas kyi gdul bya'i rten du ma gyur pas da khyod kyi rigs rgyud mir spel la mtho ris dang thar pa thob par bya ba'i phyir rab ched du khyod btang ba yin gyi/ khyod