gyur to/ /de nas sprul pa'i khye'u des 'gro ba mir gyur pa de dag gi nang du byon nas pha rol tu phyin pa drug gi chos bstan te/ kye sems can mir skye ba dkon gyis dmyal ba yi dwags byol song gsum du skyes na bdag gi don yang mi 'grub la gzhan gyi don lta ci smos/ dmyal bar skyes na tsha grang lus la bcad gtub kyi sdug bsngal dpag tu med do/ /yi dwags su skyes na bkres skom sdug bsngal dpag tu med do/ /byol song du skyes na glen lkugs dang 'jigs dngas dang bkol spyod kyi sdug bsngal dpag tu med do/ /da lta mir skyes pa ni bsod nams dang skal bar ldan no/ /khyod cag rnams kyis sbyin pa thongs shig longs spyod 'dzad pa med pa thob par 'gyur ro/ /ser sna ni sdug bsngal yin te ser snas ni bdag gi don yang mi 'grub la gzhan gyi don lta ci smos/ ser sna'i rnam par smin pa ni ngan song gsum por skye bas sdug bsngal chen por 'gyur/ sbyin pa'i pha rol tu phyin pa'i chos bstan to/ /tshul khrims la gnas par gyis shig lha'i lus dang mi'i lus thob po/ /tshul khrims 'chal bas bdag gi don mi 'grub la gzhan gyi don lta ci smos/ tshul khrims kyi pha rol tu phyin pa'i chos bstan to/ /bzod pa sgoms shig khong khro bas ni bdag dang gzhan yang bsregs/ rang gi lus longs spyod la ma lta bar bzod pa gyis shig gzugs byad phun sum tshogs pa thob par 'gyur ro/ /bzod pa'i pha rol tu phyin pa'i chos bstan to/ /brtson 'grus rtsoms shig le los ni rang gi don mi 'grub la gzhan gyi don lta ci smos te brtson 'grus brtsams pas dkar po'i yon tan dang chos rnyed par 'gyur ro/ /brtson 'grus kyi pha rol tu phyin pa'i chos bstan to/ /bsam gtan la mnyam par zhig cig g.yeng ba'i sems bskyed na rang gi don mi 'grub la gzhan gyi don lta ci smos te bsam gtan la mnyam par bzhag pas chos kyi go don zab mo thob par 'gyur ro/ /bsam gtan gyi pha rol tu phyin pa'i chos bstan to/ /shes rab kyi pha rol tu phyin pa'i blo rgya chen po sbyongs shig ma rig pa'i mun pa 'di sdug bsngal lo/ /shes rab sbyangs pas byang chub sems dpa'i blo rgya chen po thob par 'gyur ro/ /gti mug gis ni rang gi don yang mi 'grub la gzhan gyi don lta ci smos/ shes rab la spyad pas chos thams cad kyi rang bzhin shes nas sangs rgyas thob par 'gyur ro/ /shes rab kyi pha rol tu phyin pa'i chos bstan to/ /spyan ras gzigs kyi sprul pa'i khye'u des/ mi dge ba bcu las bzlog dge ba bcu'i chos bshad nas chos khrims la bkod do/ /pha rol tu phyin pa'i chos drug bstan nas mi mthun pa drug bzlog pas lus mdzes shing bzang la sems dang chos su ldan pa so so nas thob po/ /da lta khyad par mi lus thob/ chos dang skal ldan pa yod pa 'di 'phags pa spyan ras gzigs kyi bka' drin yin no/ /de ltar bod yul kha ba can la thugs rjes gzigs pa'o/ /de rnams ni chos kyis bsdus pa'o/ /de nas spre'u'i rigs rnams tshan pa bzhir chad do/ /kha ba can 'dir ni mi'i 'gro ba spre'u dang brag srin mo'i bu tsha sha zan gdong dmar ba de rnams 'phel bar grags la/ 'dul ba dka' bas gcig la gcig mi 'jigs te/ spre'u rgyud bzhi lngar song ba dang rigs bzhir song te/ rigs gcig mgo bo ser por byung ngo / /rigs gcig nang rig pa bkra ba mu ze ba byung / rigs gcig sna bzang ba byad