bzhin mtshar ba byung / rigs gcig lto yangs la bza' btung la dga' ba byung / de yang rigs bzhi ni/ se tshe ring ba/ smu nor phyug ldong mgo drag stong yid sgam par byung ste de dag ni yon tan no/ /de rnams 'thab cing rtsod la rje med/ se dang smu/ ldong dang stong mi'u rigs bzhi zer te/ bod kyi rus la snga ba yin no/ /bod kyi rgyal po la snga ba ni rje gnya' khri btsan po yin te/ de la 'dod lugs ni mi mthun pa mang po yod de/ la la na re slob dpon shes rab go chas mdzad pa'i lha las phul du byung ba'i gtor ma'i bstod pa'i 'grel pa na 'di ltar bshad de/ yul dbus na rgyal po skyabs seng bya ba la btsun mo lnga brgya yod pa sras med nas 'du 'dzi spangs te lha mo kri sna dang dkon kri gnyis khrid nas nags su song ba dang drang srong bden pa mthong ba gcig la btsun mos gsol ba btab pas des mi ma yin pa'i bu lnga bkug ste phyin byin nas lha'i bu sna tshogs can dang / nyi ma'i bu bso khram can dang / drag po'i bu thal dkar can dang / dbang byed kyi bu mi tshugs pa dang / rlung lha'i bu mi 'jigs pa la sogs pa byung ngo / /de la skyabs seng bu lnga zhes grags so/ /de'i rgyal rgyud kyi rim pa las gnya' khri btsan po byung ba yin te/ rgyal po dmag rgyal zhes bya ba la bu dgra ngan dang / 'thab dga' la sogs pa dgu bcu go dgu pha dang brgya yod pas yab dang mched po 'khrugs nas srin po'i yul du 'thab pas dgra ngan dpung tshogs bcu gnyis po thams cad skyabs seng gi bus bcom ste mi'i bdag po 'di nyid kyi ring la rtsod dus kyi 'go btsugs te ming gsal bar byas te de yang skye dgu'i tshe lo nyi khri thub pa'i dus su byung ste de nas lo gnyis stong du nye ba na 'dzam bu'i gling pa'i tshe lo brgya thub par gyur te/ dus phyis byung ba ma yin pas de'i rigs rgyud kyang ma yin no/ /la la na re/ the'u rang la sogs pa'i rgyud yin zer te de yang ma yin no/ /la la na re/ 'di ni rgya gar yul bdun nas chad de ma ga dha'i rgyal po gzugs can snying po'i bu ma skyes dgra/ de'i bu gzhon bu 'char byed/ de'i bu stobs mchog dang stobs chung ngo / /stong chung la sras lnga yod pa'i lnga tshigs mtshan dang ldan pa bram ze mtshan mkhan la bstan pas/ mkhan pos mtshan 'khrul te 'di mched la ngan pas spyugs na bzang zer nas g.yog bdun dang bcas spyugs pa yin zer te de yang ma yin zer te bu phu bo stobs mchog gi rgyal pos nu bo phrog ste/ rgyal sa nu bos phrogs te pham pas bu phos lha ma hA de ba bsgrubs te mthu btang bas stobs chung gi 'khor thams cad shi ste phu bos bsdums byas/ rgyal sa gtad nas nu bo la yang rgyal srid bgos te byin/ bod du byung zhing 'phel ba ma yin no/ la la na re ko sa la'i rgyal po gsal rgyal gyi rgyud las rabs lnga na sras lnga tshigs gcig mtshan mkhan 'khrul nas spyugs pa las 'phel zer ba yod/ de yang ma yin te de rnams la khungs thub pa'i gtan tshigs med do/ /la la na re/ 'gro ba mi la rje med/ dud 'gro rngog chags la skyen du med nas lha ri gyang mtho'i kha nas phya'i rgad po gcig gis lhas spyon lan gsum byas pas lha'i snongs bcu gcig byung ste de la mi'i lhar mi 'dod byas nas gnam du spur te btang / srid pa'i lha rabs mched bdun gyi bdun tshigs su song / ming yang