thag chad lha srin 'khrugs te thugs 'gyur nas kha che'i rgyal po la dmag drangs g.yul sprad de/ bod dmag rgyal nas tshur log pa dang / bod kyi dpa' bos gzhu ka ba tsam la mda' phyam tsam 'phangs pas shing sdong la mda' phigs 'dug nas/ mda' de mthong ba/ la la na re rgyal po yin zer/ la la na re blon po yin zer nas/ de dag gang yin brtag pa'i don du rgal po'i drung du snyan phra byas pas 'bangs lo ngam gyis chad pa byung gis dogs nas/ rtsal 'gran par 'dod na su yong ba de ma he la/ sol phye khol la byon/ rgyal po'i dpral ba la me long thogs las byon/ pho brang gser g.yus khong las byon byas pas/ rgyal pos de ltar byas byon pas rol mo dang khu sgra chen po byas pas ma he 'grogs te sol tshub chen po byung / chibs gong du me long lhag lhag byas pas/ mda' 'phangs pas rgyal po la zug ste rje nyid 'bangs lo ngam gyis bkrongs so/ /de spur byung ste ming yang gri gum btsan po zer/ spur ni grang mo grang chung gi zur la yod do/ /de la sras gsum yod kyang rgyal sar tshud pa spu de gung rgyal dus su ltong byung zer ro/ /der btsun mo nas mya ngan byas te gnyid du song pa'i rmi lam dang ni dkar po gcug byung bas 'dod bsten pa rmis so/ /de nas zla ba bcu na bu gcig btsas te rkang lag med kha dang nge ba gcig 'dug de bsad du ni bu yin/ gso ru ni yag lag mi 'dug pas g.yag ru'i nang bcug nas khar mar 'o ma gtor bas cher song ba dang yag lag skyes nas lham gyi yu bas gos byas te gsos pas ming ni 'dre'i bu pho ru lham skyes su btags so/ /de 'tshar ba dang rig pa can zhig byung nas blon po khu zhes bya bar grags/ de la rgyal po gri gum gyi sras gsum spyugs pa btsal ba ni sha kri khri kong por spyugs pa kong rje dkar po yin te gdung chad/ nyang khri nyang por spyugs pas nyang btsun rgyal po lags te de yang gdung chad do/ /bya kri khri spre'u spu sor spyugs pas spu bo nas spyan drangs pas spu'i rgyal po rtsad po zer ro/ /mtshan yang spu rje gung rgyal du grags so/ /bon po dar ha tos sku bsrungs so/ /de'i sras a sho legs/ bon po tshe mi kun snang gis sku bsrungs so/ /de'i sras i sho legs so/ /bon po a la dun tshes sku bsrungs so/ /de'i sras go ru legs so/ /bon po a so gtsug spud kyis sku bsrungs so/ /de'i sras dge sho legs so/ /bon po don rtogs rgyal pos sku bsrungs so/ /de'i sras 'brang rje legs so/ /bon po zhang zhung khri ldes sku bsrungs so/ /de'i sras the sho legs so/ /bon po a la dun cug gis sku bsrungs so/ /de rnams legs drug bya ba yin no/ /de rnams kyi spur don mkhar g.ya' spangs mtshams su btab po/ /the sho'i sras rgyal sa nam zin te/ de'i sras gnam spu'o/ /gzhung btsan lde/ de gnyis bon po khu mang bzher gnyan gyis sku bsrungs so/ /de'i sras lde snol nam/ bon po ka ra bdun tshes sku bsrungs so/ /de'i sras lde so pha nam/ de'i sras lde rgyal nam/ de'i sras lde srid btsan no/ /'tshe mi bon po 'du 'phrod dang / bha'i bon po shig 'brag gis sku bsrungs so/ /de rnams la chu la lde brgyad zer ro/ /rgyal rabs de rnams su chab srid kyi mchod gnas bon pos byas skad do/ /de'i sras rgal thad re long btsan/ bon po 'bum khri dar bas sku bsrungs so/ /de'i sras khri btsan nam/