de'i sras khri sgra dpung btsan/ da'ei sras khri thog rje btsan yan chod du/ bod sangs rgyas kyi bstan pa med do/ /dkon mchog gsum sgra mi grags pas na/ bon po dkar dun rtsas sku bsrungs/ de rnams la bar gyi tshigs bzhi zhes bya'o/ /de rnams kyi spur ngar ba thang du btab ste/ bang so thal phung 'dra ba byung / rje gnya' khri nas rgyal rabs nyi shu rtsa brgyad na/ khri thog rje'i sras/ lha tho tho ri byon te sku byad shin tu mtshar ba/ snyan shal la mtho re yod pa lha'i bu pho 'dra ba zhig byon/ mtshan yang lha tho tho ri snyan shal du grags pa'o/ /bon po co bon gsang skyes kyis sku bsrungs so/ /rgyal po de'i sku ring la dam pa'i chos kyi dbu brnyes pa lags te/ pho brang yun bu lha sgang gi sku mkhar gyi steng na/ dgung lo drug cu bzhes pa/ mu 'gram so song ba zhig gdungs la bzhugs pa la/ nam mkha' nas tshur la nyi ma'i zer dang 'grogs nas 'od zer sna lnga'i sna la/ rin po che'i za ma tog gi nang du gser gyi glegs bam mu tra'i phyag rgya dang bcas pa zhig thog babs su byon pa las/ de rgyal pos kha phye nas gzigs pas glegs ban zhig 'dug ste/ sprul pa yin par ni shes te gnan zhing yid du 'ong bas legs shing bstod pa'i gnas su go nas/ za ma tog de gser dngul las byas pa'i khri'i steng du bzhag ste bzhugs/ rgyu'i bon po rnams na re/ bon dar 'gro ba'i rtags yin pas bon lugs su mchod zer nas/ zhag re la gser skyems dang g.yu sngon gyis mchod pa byed do/ /mtshan mo bzhin mar mes mun pa med par byas/ rgyal po'i mnal lam du rharma de dang mthun par mchod pa byas par rmis/ de la rgyal po dang 'khor thams cad kyis phyag 'tshal skor ba byas/ yi ge rgya yig tu byung bar 'dod de/ ming gnyan po gsang ba zhes bar btags so/ /zhes pa 'di lha mo dri ma med pa'i 'od kyis zhus pa'i mdo las/ nga mya ngan las 'das nas lo gnyis stong lnga brgya na'am/ brgyad brgya na gdong dmar gyi yul du dam pa chos kyi dbu brnyes shing srol gtod de dar zhing rgyas par 'gyur/ brtan zhing mi g.yo bar 'gyur ro/ /zhes gsungs pa yin no/ /bod kyi yi ge yang khrim so bud btsan po'i ring la byung bar 'dod pa yang yod do/ /gnyan po gsang ba'i byin rlabs kyis rgyal po sku bgres par song ba yang sku gzhon nur gyur/ dbu skra dkar po byi/ nag por song / so bud pa skyes te/ dung so 'khor bar song / gnyer ma rnams dwangs te lo bcu drug lon pa ltar gzhon sha can du gyur nas/ sku tshe yang lo brgya nye shu thub ste/ skye ba gcig la sku gnyis bzhes so/ /rgyal po des/ bod la legs pa byed pa'i dus dang / nyes pa 'byung bar dogs pa'i dus su/ gnyan po gsang ba la mchod pa byas/ gsol ba btab pas ji ltar 'dod pa'i don thams cad yid bzhin du 'grub po/ rgyal po de yang / lus ro med pa nam mkha' la 'ja' ltar yal lo/ /rgyal po de'i sras khri gnyan gzung btsan no/ /khu bo bon po mang bkra la legs pas sku 'khrungs so/ /rgyal po na re/ lha tho tho ri snyan shal gyi zhal nas/ nga'i rgyal khams su legs so cog dar bar 'gyur ba dang / lus kyi na tsha sems kyi sdug bsngal la sogs pa/ nyes pa cog thams cad mi 'byung zhing zhi bar 'dod na/ nga'i gnyan po gsang ba la mchod pa dang mos gus gyis shig gsol ba thob cig ces bka'