chems bka' bstsal to/ /phog go/ /rgyal po khri gnyan gzung btsan/ bar ka btsan drug kyang zer/ mnyes lde gu de'i sras stag ri gnyan gzigs so/ /rang sangs rgyas ra sangs kyi bon po khre ne khrid khod kyis skubasrungs so/ /de dmus long du skyes pa yang rgyal sar phyung nas/ gnyan po gsang ba la mchod byas/ gsol ba btab pas/ dmus long la spyan hrig ger byung nas/ ri stag ri la gnyan 'dug pa gzigs pas mtshan yang stag ri gnyan gzigs su grags so/ /rgyal po de'i sras 'brong gnyan lde'u/ khu'i bon po mang rje lha 'od kyis sku bsrungs so/ /de rnams kyis yab mes kyi srol bzhin gnyan po gsang ba la mchod pa byas so/ /gnyan po gsang ba thugs rje chen po spyan ras gzigs kyi byin rlabs kyi gsung gi bcos rtags kyis 'dul ba yin te/ legs pa'i yon tan thams cad dang ldan pas/ bod kha ba can du dam pa'i chos kyi dbu brnyes zhes grags so/ /rgyal po de'i sras gnam ri srong btsan no/ /de la bon po shes rab ldebs pas/ bon gsang ba sde bzhi'am lnga bstsal lo/ /de yang pho brang byams pa mi 'gyur na/ btsan po gnam ri srong btsan dang / tshe spong bza' 'bring mo thod dkar yang zer/ lha bza' gung btsun ma gnyis bzhugs so/ /rmi lam na 'od nyi ma shar ba 'dra ba'i sna la/ khye'u dkar po tshon gang ba zhig lte ba na tshur thim nas song bar rmis so/ /rmi lam de rgyal po la bzlas pas/ de sprul pa 'gro ba 'dul ba zhig yong gsungs nas dgyes so/ /de'i tshe ri bo po ta la nas 'phags pa spyan ras gzigs kyis kha ba can gyis sems can 'dul ba'i dus la babs par mkhyen nas/ spyan zur gyis gzigs pa las 'od zer byung nas bod kha ba can du song ngo / /de la snang ba gsum du byung ste/ sangs rgyas rnams kyis 'phags pa bzang po kha ba can gyi sems can 'dul du bzhud par gzigs so/ /bar snang gi gnod sbyin rnams kyis 'od zer du mthong / yab rgyal pos btsun mo'i lhums su rgyal bu zhugs par mthong / de yang yum gyi sku lus bde ba dang / yang ba dang / bzo mdog bkrag dang ldan pa dang / byams pa dang / snying rje dang / dga' ba dang / btang snyoms chen po skyes pa dang / thugs la rtog pa med pa dang ldan par gnas par gyur to/ /de nas zla ba dgu ngo dang bcu na rgyal bu/ me mo glang zla ba gsum pa la na tsha med par sku bltams/ phyag zhabs 'khor lo'i mtshan dang ldan pa/ dbu skra mthon mthing g.yas su 'khyil ba/ so dung so 'khor bar yod pa/ skyes ma thag tu smra shes pa/ yab yum la phyag byed pa/ dbu la a mi de ba'i dbu bzhugs pa/ mtshan dang dpe byad dang ldan pa zhig gda'/ mtshan srong btsan sgam po bya bar btags/ sang nangs par nyi ma shar ba dang / rgyal bu de'i zhal nas/ rje yab yum lags/ mgo nag kun gyi rje/ sems can yongs kyi dpal/ 'gro ba yongs kyi mgon/ rje chen pa yab yum rgyal sa na bde bar bzhugs sam/ rgyu 'am/ zhes phyag mdzad skad do/ /yab kyis kyang sprul pa yin par shes nas/ de la 'jig rten khams rnams kyis rgyal bu mgo gnyis pa zer gyis dogs nas/ yab kyis a mi de ba dar le brgan gyis dkris so/ /blon po a nu mi chung gis kyang / a mi de ba'i gdan gyi pad mo mthong ngo / /mgar stong btsan yul bzang gis/ mdzes pa'i zhal bcu'i thod gon par mthong ngo / /de la grong khyer pa yang rgyal bu