mgo gnyis pa zhig yod zer/ 'ga' re na re/ mgo bcu gcig yod do zhes zer ro/ /de nas rgyal bus mtshams bcad nas pho brang du bzhugs so/ /de nas lo bcu gnyis lon pa na/ rgyal bu'i thugs dgongs la/ ngas kha ba can gyi sems can rnams chos dang zang zing gis skyong bar a mi de ba'i drung du khas blangs/ byang chub sems dpa' spre'u la yang khas blangs pas/ da ni kha ba can gyi rgyal khams 'dir spre'u dang / brag srin mo'i bu tsha dud 'gro'i rigs su song bas zhi bas mi thul te/ thabs kyis drag po'i bka' nan dang / khrims kyis chad pa bcad la 'dul dgos pas/ de la yang dbang che dgos pas zhes yab yum la zhus pas/ thugs dgyes nas bod 'bangs thams cad bsdus nas/ rin po che'i khri la rgyal bu bzhugs su gsol te/ yab kyis rgyal srid gtad nas/ rgyal khams thams cad kyi rjer mnga' gsol snyams nas/ dgung lo bcu gnyis pa la rgyal sar bton pas/ srod la byang chub sems dpa' 'jam dpal byon nas/ khri'i g.yas nas rin po che'i prog zhu cod pan gyi thod rnams bskon/ g.yon nas byang chub sems dpa' kun tu bzang pos/ rin po che'i bum pas khrus chab gsol/ a mi de ba'i phyag mnya?dzu dzi ka lta bur brkyangs nas/ rgyal bu'i dbu la reg pas/ rgyal po'i sku las 'od zer 'phros te/ 'od re re'i sna la rta'i rgyal po bha la hwa rgyal bu'i chibs pa lags te/ de las 'od zer brjod du med par 'phros pas/ 'od re re'i sna la zhing khams re re chags/ zhing khams re re na bcom ldan 'das rnam par snang mdzad gangs chen mtsho re re sprul/ de rnams kyi thugs ka nas 'od zer brjod du med pa'i yang brjod du med par 'phros/ 'od re re'i sna la zhing khams re re chags/ zhing khams re re na bcom ldan 'das de bzhin gshegs pa 'od kyi rgyal po re re sprul/ de dag gi thugs ka nas 'od zer brjod du med pa'i yang brjod du med pa 'phros te/ 'od re re'i sna la 'jig rten gyi khams re re chags/ 'jig rten gyi khams re re na bcom ldan 'das rgyal ba shAkya thub pa re re sprul/ de dag re re'i sku las 'od zer brjod du med pa'i yang brjod du med pa 'phros pas/ 'od zer phyogs bcu'i nam mkha'i mtha' khyab par 'phros/ nam mkha'i mtha' dang mnyam pa'i sems can re re'i mdun na byang chub sems dpa' phyag stong spyan stong re re sprul nas/ sems can gyi don byed do/ /sems can de dag gi snang ba ma dag pas bdag mthong bar ma gyur to/ /de rnams ni de bzhin gshegs pa la bka' drin che bas te/ tshul de lta bu'i rgyud ris ni khra 'brug gi rgyal bu'i khang bu de nyid na gser gyis bris nas yod do/ /de nas snga phan yab rgyal po rngon la dgyes pas/ byang gangs la rong la pho brang bcas te/ rngon gyi bya ra byed pa nas/ nang zhig thang mtha' zhig na/ na gu sran ma tsam gcig byung bas gzigs/ nangs ma gnyis pa la bya rog tsam/ gsum pa dang bzhi pa la g.yag tsam/ nub lnga pa la bi'u gcig skyes nas/ de la khyi dang skye 'brel gyin ma bsad do/ /de cher skyes nas 'brong na le bong zan du gyur nas/ rta dang / mi dang / khyi dang gang mdun du byung ba thams cad bsad pas/ phung g.yag thal kha ru rings su grags pa de 'dul ba la rta cang shes dgos pas/ kong po'i yul bre sna nas/ rta bya ma zhur ru/ dmu te long bas rnyed do/ /de yang 'bras ljang phor