chus sos te/ byang gangs la rong du byon te/ rta zhon nas g.yag ded nas/ dgong mo mtsho khug gcig tu tshuud pas/ rta ka 'then pa'i drung du 'brong shor ba/ khyung po spu thang gzung rtse langs nas/ rta ka la 'jus te rdza rar khrid nas/ rgyal po la rgod sha grangs drangs so/ /de la khyed kyis phung g.yag 'dul rogs gyis gsungs pas/ ngos kyi grogs po 'bod zer nas song ste/ dmu dpung rgyang ring po bya ba'i mi gzugs chen po zhig khrid byung ngo / /de la phung g.yag 'dul nus sam dris pas rngo thogs lags zer nas/ rdo bsdus nas khyer song bas/ phung g.yag kham pa'i rwa ya gcig la phog nas rwa bog pa chu la bcug pas chu khol/ rwa ya gcig spang la gnyegs bsnyegs pas spang tshigs nas dud pa 'thul du byung / rdo des g.yag bsad do/ /rwa la rwa mkhar byas so/ /'phan ri la g.yag thod mkhar bya ba yod do/ /sha sga la btags pas sha lhung nas/ sga la sha thag btags te/ sha sgye'ur bcug dmu dpung rgyang ring po la rta 'gros su btang na ji tsam rtol dris pas zla ba phyed na rtol lo zer/ 'dur du btang na dris pas/ zhag bdun na rtol zer/ rta bang du btang na dgong mo rtol zer/ kho'i thu ba snga log phyi log byas nas gam gam 'gro ba rta'i bang dang mnyam mo/ /de nas rgyal po chen po/ gangs pha gi'i rtsa ba nas pho brang gzigs kyis/ der bzhud cig zer nas/ dmu dpung rgyang ring po phyir byang du log go/ /gangs kyi rtsar rta tshigs bub byung bas/ rta mgo la lcag rgyab pas rta 'tsher zhing / lcags thag lcags phur la gtod pas ma thub par rta shi'o/ /rgyal pos rta'i mya ngan byas te/ mtsho 'gram du sha gsol bas/ sha sa la lhung ba zhal du gsol bas shin tu tshwa bro bar byung nas lan tshwa de nas rnyed do/ /mtsho de rgyal po'i bla mtsho bya bar grags so/ /de nas rgyal pos sha ka gsol bas zhal shin tu skyems te chu grang mo gsol bas bsnyungs te grongs so/ /bang so 'gu ri sog por mkhar brtsigs so/ /skye bo rnams la yang dga' ston chen po yang byas so/ / de nas rgyal bu de shin tu sku dbang che bas mtha'i rgyal po thams cad kyis bca' dang / skyes lo dam gyis thang gi tshul du yong bas zhu ba yi 'phrin yig klog pa na/ bod kyi rgyal po la kha 'phrin las yi ge med de/ 'o cag bod la yang yi ge dgos par snang / bka' lung gsal nas der blon bcu drug rgya gar du yi ge slob tu btang bas thang 'bre gsum la gtugs/ rdugs la la ni mtha'i la gcan gyis bsad/ la la tshad pas gum/ la la lce bul/ la la shes rab chung nas skad ma lobs te rgyal po'i thugs dgongs ma grub/ de na thon mi bsam bu zhes pa blo gsal la yid gzhungs pas mi chung sam bho Da la gser phye bre gang byin nas de la 'khor ngo tsha shes shing khrel yod pa bcu drug mi re la rta re/ dre'u re/ gser srang bcu drug gser lings pa srang brgya tham pa bskur/ dpal nA len dra'i gtsug lag khang du brdzangs btang ngo / /tsan dra ba'i slob ma rin chen blo gros/ de yi slob ma gang pa'i zla ba/ de'i slob ma ma na sam gha/ de'i slob ma paNaTi ta lha rig pa'i seng ge la sgra bslabs/ rgya gar lho phyogs kyi paNaTi ta bram ze li byin dang 'phrad de yi ge zhus pas/ spyir rgya gar na yi ge'i rigs mi 'dra ba drug cu rtsa bzhi yod/ bsdu na gsum du