'dus te lan dza lha'i yi ge/ na ga ra klu'i yi ge/ bha gru ma mi'i yi ge'o/ dang po dbang phyug chen pas ka tsa ta Ta pa/ kha tsha tha Tha ba kSha sha ha a la sogs pa la gsal yig bkod do/ /de sgra mkhan gyis 'byung ba lnga bkod de ka kha ga gha nga zhes la sogs pa'i gsal yig sum bu so gnyis la sogs pa'i sde tshan/ bod la sgra med pa/ gha'i sde tshan yi ge lnga lces mi 'gyur bas bzhag dbyangs yig bcu drug na ro gu gu'i khongs su bsdus te bsgyur ro/ /i gu gur bsgyur/ u zhabs kyur bsgyur/ e 'greng bur/ o na ro/ a rtseg tu bsgyur te/ ka mad sum cu tham par bsdebs/ na ga ra ma dper blangs pas dbu can du byas/ bha gru ma la dpe byas nas dbu med du byas so/ /bod kyi gcig la rgya gar e ka ces te bod la ma btub nas ca bcug rgya'i lo ka bod kyi 'jig rten ma btab pas ja bcug rgya'i dharma la bod kyi chos bya ba ma btub nas cha bcug rgya'i pri ta la bod kyi zhu ba bya ba byung bas zha bcug bod kyi yi ge ring po med pas 'a bcug bod la rgya gar la med pa'i yi ge phyed drug yod do/ /rgya skad sor bzhag pa yin no/ /sgra dang yi ge bsgyur te bris pas lhug pa dang tshigs su bcad pa yin no/ /a glang po che'i sna lta bu/ a shad kyi rnam pa lta bu/ a brgya byin gyi rnam pa lta bu/ a seng ge'i ral pa lta bu/ a rgyal po gdan la bzhugs pa lta bu/ phral ba dang bri ba dang 'phul yig lnga dang / rten yig dgu la sogs pa yan lag drug gi skor mtshams steng dang / logs dang 'og tu phyung / shad kyis bcad/ tshig gis smra bar bya'o/ /ka mad sum cu bcos bcos nas byung ngo / /der phyi blon rnams na re/ sam bho Da yis rgya gar gyi yi ge bzhi bcu rtsa drug la spros pas/ bod yig nyi shu rtsa bzhi las ma rnyed nas smra ba bsdebs su ma 'dod nas skad ma khugs te khong dbu 'thoms te nyal nas 'dug pa mnal du song ba dang mnal sad pa'i tshe rang gi rtsa na skyes bu rgan po phyag 'khar thogs pa zhig 'dug nas khyod gang nas 'ongs/ gar 'gro/ ci byed pa yin/ rigs gang yin/ nga'i sgo bsdams pa la gang nas thar zhes smras pas/ rgad po de na re/ chos nyid gshis la gong 'og med/ /yang dag don la bya byed med/ /nam mkha' lam du byas pa la/ /sgo cha bsdams pas ga la thub/ /zer ro/ /de 'phags pa 'jam dpal gyi sprul pa yin par rig nas yang yang du dris pas rgad po na re/ nga zhang zhung mi yul nas 'ongs/ za hor gyi yul du 'gro zer/ thag ji tsam yod byas pas ci cha yod zer/ mi snang bar song ngo / /der sam bho Das bsams pas rigs 'a zha yin zer bas 'a rnyed/ zhang zhung nas yongs zer zha rnyed/ za hor yul du 'gro zer bas za rnyed/ thag ji tsam byas pas ci cha yod zer bas ca dang cha rnyed do/ /rgyags ci yod byas pas ja yod zer bas ja rnyed/ der rgya gar la med pa'i yi ge drug gis kha bskangs te/ ka mad sum cu tham pa byung ste da gzod bod skad du bsgyur btub nas rgya yig la las bod yig tu bris nas rgya gar skad las/ bod skad bstan nas sgra bsgyur nas gtan la phab/ bshad nyan dang sgom sgrub kyi srol ni ma thod dod Da 'bri ba dang klog pa'i srol ni ma thod dod de/ mdo sde dkon mchog sprin dang / pad ma dkar po dang / za ma tog bkod pa dang / rin po che 'phreng ba dang / mdo phran mang bsgyur ro/