/de nas lha chos dang mi chos kyi gdams pa mang bsgyur ro/ /de rnams mchims phu'i phyag mdzod du bzhugs so/ /lo tsA ba la rgyal po'i rtsis dang / bsnyen bkur ni phra men gyi yi ge chen mo yig mkhan la dar gyi yol ba/ za 'og gi bla re/ gab rtse'i gdan/ spyan ras gzigs tshod dgu/ zang zing gi longs spyod bsam gyis mi khyab pa gnang ngo / /dge ba nyams bag tu spyod du chug mtshan mchod gnas zhes bya bar btags so/ /yi ge'i dpe gcig lha sa'i brag logs la btab pa ni sbal nag nag la rgyangs pa 'dra ba gcig byung ngo / /'bri klog dag par bya ba'i phyir du sgra'i bstan bcos dang / dag yig rgyas pa yang mdzad de rgyal po'i phyag tu phul bas mnyes so/ /bod kyi lo tsA ba la snga ba de thon mi sam bho Da yin no//
de nas rgyal pos lo bzhi'i bar du yi ge bslabs pas/ blon po 'ga' na re/ rgyal po lo bzhi'i bar du sgo tsam du mi yong bas glen pa gcig 'dug zer nas/ bod skyid pa blon po'i drin yin zer bas/ rgyal po'i bsam pa la bod kyi blon po glen par byed nas 'di rnams mi thul lo snyam ste/ khyod bod rnams ni rgyal po glen pa zhig bod bde ba la blon pos bkod pa yin zer/ blon po nga yis bskos sam/ khyod kyis bskos/ ngas pho brang gcig tu 'dug nas 'pho skyas ma byas na/ 'bangs dal zhing skyid pa yin/ da nga yis khrims bca' yis/ khrims ma byas na/ nyes pa kun gyis byed pas/ nga'i sras dbon blon gyi srid med par 'gro/ nga ni chos kyi rgyal po yin pas/ nga'i bka' 'khor du gtogs pa bod spyi mthun la chos khrims med na/ las mi dge ba bcu spyad pas/ ngan song gsum du song nas sdug bsngal las thar pa med pa'i gnas su skye ba yin/ da nga'i mnga' ris su gtogs pas 'thab mo byas nas srog bcad nas bsad na stong 'dod do/ /phan tshun ma rku zhig ma byin par blangs na/ bdun 'jal dngos dang brgyad 'dod do/ /'dod log gzhan gyi chung ma la byi byas na/ smad 'chal 'dod do/ /brdzun du ma smra zhig brdzun smras na/ lha klu gnyan dgu la yang bcol nas bro 'dor du 'jug go bya ba la sogs pa'i dge ba bcu'i khrims bcas te/ bka' chems kyi yi ge mang po mdzad nas/ snga dro gcig tu khrims kyis bka' nan bstsal te/ bka' shog mang po bsgrags nas/ rgyal po des 'jig rten pa dang sgo bstun te/ sems can gyi don mdzad pas thams cad mgu ste/ rgyal po 'di thugs drang la sgam pa zhig 'dug go zhes zer nas mtshan yang srong btsan sgam pa bya bar grags so/ /de nas bod blon po 'tshal ris de nas tsam yang ma bsgyur bas rgyal po'i thugs la/ ngas khrims bcas pa yang btsan par gyur pas/ de yis dam pa'i chos kyi srol gtod do zhes grags bsgrags so/ /da ni chos kyis sems can rnams 'dul du btub par 'dug pas/ chos khrims dge ba'i las stabs dang chos bya snyam mo/ /chos byed pa la rten lha gcig dgos te/ rgyu ci la byas na yong / sa la byas na ni sa rdo rgyu ngan/ sing la byas na ni 'gas/ rin po che gser dngul la byas na ni dus ngan gyi sems can blo ngan rnams kyis brnab sems dang / gnod sems byas nas bshig na de rnams kyi sgrib par 'gyur zhing / dkor chen por 'gyur bas/ zangs dang ra gan la bya snyam pas/ tshes brgyad kyi stod la nam mkha'i sprin/ gseb nas lha'i bu mo mang po lus phyed thon tsam byas nas lha'i me tog