de 'dul ba'i dus la bas par dgongs te/ grong khyer da'ei lho phyogs na sangs rgyas 'od srungs kyis rab gnas mdzad pa'i mchod rten chen po pad ma'i 'khor lo zhes bya ba yod pa'i bum pa'i thad nam mkha' la dkyil krung gis skor ba mdzad pas/ grong khyer de'i dkyil na rgyal pau'i pho brang dgu thog yod pa'i phyogs bzhir lta ba'i skar khung yod pa las/ re zhig lho phyogs kyi sgo chung gi nang na/ lan kan gyi 'og na phar rgyal pos dbu snyengs po byas nas gzigs tsa na/ sprul pa'i dge slong de mchod rten pad ma'i 'khor lo la bar snang la skor ba byed pa mthong bas/ de la shin tu thugs dad par gyur nas/ sgo ba la mchod rten pad ma'i 'khor lo la skor ba byed pa'i dge slong zhig yod/ de bos shing / nga'i drung du khrid las shog ces bka' bsgo bas/ sprul pa'i dge slong la sgo ba des/ 'phags pa khyed rgyal po'i pho brang du byon par zhu zhus pas/ dge slong de skyil krung ma bshigs par nam mkha' la gshegs nas/ rgyal po'i pho brang gi steng du bya bzhin babs nas byon no/ /der rgyal pos dge slong la phyag byas/ gdugs tshod yon dang bcas pa zhig drangs nas/ de'i rjes la me tog snyim pa gang gtor nas/ ji ltar sangs rgyas la bsnyen bkur bya pa'i me tog nam mkha' la me tog gi gdugs su gyur pa bzhin du/ me tog de dag sa la ma lhung bar sprul pa'i dge slong de'i dbu steng du me tog gi gdugs su gyur to/ /de nas dge slong de yang nam mkha' la gshegs pa las/ rgyal po na re/ 'phags pa nyi ma re bzhin du bdag gi pho brang du gdugs tshod la byon par zhu zhes gsol ba btab pas/ dge slong gi zhal nas/ rgyal po khyod ngas ji skad zer ba nyan na/ nga nyi ma re re bzhin khyed kyi pho brang 'dir yong / de ltar mi gsan mi yong gsungs pa las/ rgyal po na re/ 'phags pa ji skad gsung ba bzhin nyan par 'tshal lo zhes zer nas/ nyi ma re re bzhin rgyal po'i pho brang du byon nas/ rdzu 'phrul du ma bstan nas rgyal po 'khor bcas thugs dad du bcug go/ /der dus la babs pa'i tshe dge slong gi zhal nas/ kye rgyal po chen po zhes bos nas/ da phyi rol pa'i chos lugs ngan pa de thongs la/ nang pa sangs rgyas pa'i chos lugs yab mes kyi ji ltar bzung ba'i srol bzhin mdzad pa zhu zhes pa dang / tsan dan sbrul gyi snying po dang / tsan dan go shirSha la de bzhin gshegs pa'i sku gzugs brgya rtsa brgyad bzhengs la/ gtsug lag khang brgya rtsa brgyad du bzhugs su chug mdzod ces gsol ba dang / rgyal po na re/ 'phags ji skad gsungs pa bzhin nyan pa lags te/ tsan dan sbrul gyi snying po 'og min gyi gnas na bdog pa bdag la len pa'i nus pa ma mchis/ tsan dan ga shirSha ni/ ri bo ma la ya'i yul na sbrul gdug pa 'bar bas 'khril nas dkris yod pas/ de la len pa'i mthu med pas bka' mi bstsal bar zhu/ gzhan ji ltar gsungs pa bzin bsgrub ces zhus pas/ sprul pa'i dge slong gi zhal nas/ rgyal po/ tsan dan sbrul gyi snying po ni lho phyogs kyi mtha'i rgya mtsho'i 'gram jo bo kha sarpa Ni'i sku rgyab/ glang po che nyal ba'i 'og bye ma'i nang na yod/ tsan dan go shirSha ni/ ri bo po ta la'i byang phyogs na/ shugs pa'i nags tshal zhig na yod/ de la ches bco lnga'i zla ba shar ba'i 'od zer phog pas me tog dmar chems kyis kha