bye nas yong ba yin pas/ de nas longs las sku gzugs gyis zhes gsungs/ de nas sprul pa'i dge slong la rgyal po na re/ 'phags pa 'o na bdag cag gis rnyed par mi 'gyur bas/ 'phags pas de rnams len pa'i ded dpon mdzad par zhu zhes gsol bas/ de nas dge slong gis/ de dag len pa la bar chad mi 'byung bar myur du 'grub par bya ba'i don ched du/ mchod rten pad ma'i 'khor lo la mchod par mdzad do/ /mchod pa rgya chen po mdzad pa'i phan yon ni/ byin rlabs shin tu che ste/ lo dang / zla ba/ zhag dang / za ma las byung ba yin te/ de yang yon tan ni/ nad thams cad sos pa dang / yul gzhan du 'gro na yang bde bar phyin cing bde bar bzlog ldog par 'gyur ba dang / rin chen len du 'gro ba rnams kyis kyang / de ltar mchod na gling gzhan nas/ bde bar ci bsam grub nas bzlog ldog pa'i byin rlabs mnga' 'o/ /de nas rgyal po srong matsan sgam po'i bka' lung gis kyang / phyi rabs kyi 'gro ba rnams kyis kyang / las dang bya ba ci byed pa thams cad kyi sngon du/ dkon mchog gsum la mchod pa gyis shig ci bsam pa 'grub pa yin no/ zhes gsungs so/ /de nas rgyal po ud man ta ke sa ra dpung gi tshogs yan lag bzhi dang bcas pa sprul pa'i dge slong gi zhabs thog la phyin pas/ jo bo kha sarpa Ni'i sku rgyab na/ bye ma'i thang ka la glang chen nyal nas yod pa la/ rgyal po na re/ glang po che gang gi 'og na yod ces dris pas/ glang po che ma gi'i 'og na yod do/ /der rgyal pos dge slong la tsan dan sbrul gyi snying po sing ga la'i gling du yod pa de ji ltar lags zhes zhus pas/ 'di ltar lags te/ sangs rgyas 'khor ba 'jig gis klu'i yul du chos gsungs pa la/ 'og min gyi lha'i rig 'dzin phru gu pho mo rnams kyis de bzhin gshegs pa 'khor ba 'jig la mchod pa'i me tog 'khyer 'ongs pa las/ lam du jo bo kha sarpa Ni la yang mchod pa byas pa'i tsan dan sbrul gyi snying po'i me tog sa la lhung ba de skyes te/ sangs rgyas 'khor ba 'jig mya ngan las 'das pa'i dus su/ shing gi lo 'dab rgyas/ sangs rgyas 'od srungs mya ngan las 'das pa'i dus su me tog rgyas/ sangs rgyas shAkya thub pa mya ngan las 'das dus tsa na shing gi rtsa ba rul te sa la 'gyel nas/ bye ma rlung gis bdas pa'i 'og tu nub pa yin te/ da lta glang po che mche ba drug pa zhig 'khun cing nyal ba de'i 'og na yod te/ 'du shes kyi mchog dag pa'i 'du shes yin/ rjes rnams kyi mchog glang po che'i rjes yin te/ yon tan brgyad dang ldan zhing skyon brgyad sel ba'i phyir ro/ /de nas rgyal po dang / dge slong / dpung gi tshogs yan lag bzhi dang bcas kyis rgya mtsho'i 'gram jo bo kha sarpa Ni'i rgyab glang po che'i 'og gi bye ma brus pas/ tsan dan sbrul gyi snying pa'i sdong po byung / der tsan dan sdong po bcad pas/ dal gyis chod bya ba'i sgra yang byung / de bcad pa'i nang nas tsan dan sbrul gyi snying po'i sku zhal bcu gcig pa rang byon lta bas chog mi shes pa/ dri bsung dpag tshad bcu gsum tshun chad khyab pa khru gang ba zhig byon no/ /de yang glang po che'i nang na che ba kha shar du lta ba / sna dmar ba/ 'khun bu byed pa/ 'jing khung na ghi hang gi zar khu yod pa/ mche ba drug pa'i 'og nas byung te/ 'og min nas lha'i rig 'dzin 'khor ba zhes bya