dang / 'phreng ba dang / spos dang / byug pa dang / phye ma dang / na bza' dang / phye phur dang / gser dngul gyi me tog mang po dang / rnga bo che dang / rdza rnga dang / dung dang / zangs rnga dang / cha lang dang / 'khar rnga dang / rol mo pi wang dang / sil khrol dang / gling bu dang / sgra snyan dang / gdungs dang / rgyal mtshan dang / ba dan dang / bla re dang mchod mang pos mchod cing / dkon mchog gsum yid la byed cing / sems dang ba dang ldan pa mang pos rim gror byas/ bkur sti byas/ bsti stangs du byas/ mchod pa mang pos rgyal po la mchod nas rgyal po khyed kyis thugs dam gyi lha ji lta bu zhig bya bar sems pa ni rgya gar lho phyogs mthar thug pa'i sing ga la'i gling na rgya mtsho'i 'gram bye ma'i gling bcom ldan 'das kha sarpa Ni bzhugs pa'i sku rgyab na tsan dan sbrul gyi snying po'i sdong po gcig la de'i nang arya lo ki shwa ra zhal bcu gcig pa rang byung zhig bzhugs yod do/ /de spyan drangs na kha ba can gyi sems can rnams kyi don byed par 'gyur ro/ /zhes mgrin gcig tu brjod nas mi snang bar gyur to/ /de nas rgyal po'i thugs la lha de ji ltar byas la gdan drangs snyam pa dang / bar gyi lam na sa stong dang / brag dang chu 'thab dang / shing nags dang / chu bo che dang / gcan 'phrang dang / mi rgod dang / gtum po byed pa rtsub pa'i mi dang / mi ma yin pa mang po yod pas lam la mi thar bar shes te/ rgyal po de la ngo mtshar skyes so/ /de nas rgyal po da nga yid dam gyi lha dngos dang mjal bar bya dgongs nas mchod g.yog gi bu mo lo bcu drug lon pa lha'i bu mo 'dra ba bcu drug gis mchod pa rgyun mi chad par byed do/ /rgyal po yang spyod lam bzhi thun bzhir mchod pa khyad par 'phags pa du mas mchod pa mdzad pas de nas rgyal po'i thugs kha nas sprul pa'i dge slong a ka ra ma ti shi la bya ba zhig sprul nas dge slong la 'phags pa zhes bos nas rgya gar lho phyogs phyi'i rgya mtsho'i 'gram jo bo dang kha sarapha Ni'i sku rgyab glang po nyal ba'i 'og bye ma'i nang na/ nga'i yi dam gyi lha yod kyis de spyan drangs las spyon zhes bsgo ba dang rgyal po'i 'od zer spros pa'i sna la sprul pa'i dge slong gi dbu la de bzhin gshegs pa tshe dpag med bzhugs pa zhig sprul nas/ sku de spyan 'dren du btang ngo / /der dge slong des rdzu 'phrul gyis skad cig yud tsam zhig la rgya gar shar phyogs su grong khyer shing thags can bya bar byon te gdul bya dang 'dul bar shes nas dbu'i a mi de ba bstan te thams cad dad par byas/ byams snying rje'i chos bshad nas smin par byas/ der yi ge drug pa rang byon zhig thon par byas/ yi ge drug pa chos kyi 'khor lo bskor ba'i sa zhes grags so/ /sku de ni 'og min man chad na byin rlabs che ba gcig yin no/ /de nas dge slong des rgya gar lho phyogs sing ga lar byon nas/ grong khyer ko tu zhes bya ba na rgyal po ud man ta ke sa ra zhes bya ba yab mes yar chad kyi sku ring la nang pa'i chos kyi rgyal po yin la/ khong rang gi ring la chos lugs 'gyur nas phyi rol mu stegs pa'i chos lugs bzung zhing mchod pa na ma re re la ra lug dang / ma he lnga brgya tsam re'i sge bregs nas de'i khrag gis dbang phyug chen po la mchod sbyin byed pa