[A:3a]@// par zhu zhes zhus pas// gnang ste: ral pa'i khrod du bzhugs so// de nas mu stegs pa'i lha khang sha khrag gi mchod sbyin byed pa dang: rgyal po gsod gcod la dga' ba [B:535]rnams dang: mu stegs mang po: brdzu 'phrul mdzad nas: nang pa'i bstan pa la bcug go/ de nas 'phags pa thugs rje chen po spyan ras gzigs dbang phyug gi byon nas/ rigs kyi bu sems can las la spyod pa rnams zhi bas 'dren par byos shig/ bcom ldan 'das kyis kyang thabs kyis don mdzad pa yin no gsung so// 'di bi ru pa sngon byung gi lo rgyus zur tsam mo// //da lta dpal ldan bi ru pa ni: sog po'i pho brang paN kru ba'i shar phyogs na: mu du ra sura' bya ba: de gnyis kyi bar na dpag tshad 1 yod do: de'i gnas de na: da lta bzhugs te// thog mar: dzo gi mang po'i 'khor rten no// der thams cad kyis spyod laM las grub thob yin par 'dug zhes labs pas: sog po'i rgyal po go yastiM: bya bas grub thob yin min rtag gi bos zhes: pho nya sngags te rgyal po'i drung du bos nas: yan lag bzhi bsdoms la chu la bskyur zer: skyur bas thag pa rang par grol te: chu'i steng na ngang pa bzhin 'dug go/ der chus mi nub pa'i man ngag yod pa 'dug pas/ ral gri'i bstubs zer: rgyal po'i bka' yis: ral gri mnun pas: khro chu'i pha bong la rgyab pa bzhin: [B:536]