[A:3b]mtshon dum bur chag/ gshed ma la zug chen po rang byung nas ci yang ma thub po// da dung rgyal po yid ma ches so te: me chen po sbor la bsregs zer/ bka' bzhin: me'i dkyil 'khor du bskyur bas: pa spu tsam yang tshig ma nus te: dper na: padma'i steng gi zil pa bzhin 'dug go/ de nas yang yid ma ches par reg pa'i dug dang: sbyar dug dang: mang po stabs su sbyar nas: dngul skyogs gang grangs pas: a la la bdud rtsi zhim gsung nas: dngul skyogs gsum gsol lo// da de yol bas chod la gang du yang ma btang zer// de nas pang de: rgyal pos rnal 'byor pa shi ma shi ltas pas: rnor pa de gzims mdangs dang ldan par: ting nge 'dzin la gnas nas/ shing ta la 1 tsam bar snang la 'phags 'dug pa mthong nas: rgyal po bred cing snying 'dar te: grub pa thob par thag chod 'dug: khong gis bden pa brjod na: nga ni skad 1 tsam la brlag 'gro: de bas bzod pa 'bul bsam nas: gser skyogs dang: dngul skyogs: gser sder dang: dngul sder: chu 'thung pa'i dngul buM 1: dngul gyi dong rtse mi gur 1: ri mo sna tshogs yod pa'i gser gyi gos 1: rin po che'i khri 1 rnams phul nas: bdag gis rgol ba zhus pa rnams: rnal 'byor gyi dbang phyug khyed rnams bzod pa'i rang bzhin lags pas: bzod pa mdzad nas: bdag eds: portion erasedrjes
su
'dzin par zhu ces zhus pa [B:537]