[A:248]ldan rnams kyis mngon du gyur pa lags mod/ gzhan yang rnor gyi dbang phyug dge sbyong chen po de yis/ phyi gzung yul gyi bden dngos zhig cing / nang 'dzin sems kyi rtog pa phel ba'i phyir/ mi dang mi ma yin pa'i gnas rnams su/ brtul shugs kyi spyod pa mang du mdzad pa dag ni/ blo dman pa rnams kyis rtogs par dka' ba'i phyir 'dir brjod par ma bgyis so/ 'gro ba'i mgon po dge sbyong chen po de nyid kyis gzhan don mdzad pa'i tshul ni/ pha rgyud ma rgyud gnyis su med pa'i rgyud kyi dbang gis gdul bya smin par mdzad cing / phyi drang don bskyed rdzogs gnyis dang / nang nges don bskyed rdzogs zung 'jug sbyor ba yan lag drug pa'i khrid mdzad nas/ kun rdzob lha mi'i dpal 'byor dang / don dam zung 'jug ting nge 'dzin gsum gyis/ zhag gcig / zla gcig / lo cig / tshe cig gis mchog gi dngos grub la sbyor bar mdzad do/ skyes bu gsang sngags 'dzin pa rnams kyi thugs la gsal ba lags so/ de nas sku gshegs par dgongs te/ gong ma'i mjal phrad dang / gdul bya rnams la dbang dang / chos kyi sbyin pa dang / chos bzhin du gyis shig pa'i zhal chem gnang nas/ sku bzhi'i ngang du gshegs pa'i tshul dang / rjes kyi phris rnams ni/ thams cad kyi mngon du gyur pa'i phyir 'dir ma brjod do/ ston mchog stug po'i zhing du bzhugs pa yid/ bla ma de