[A:247]tshogs mang po yod de 'ong snyam pa byas tsa na/ bar snang du srin po sha za'i 'jigs pa'i gzugs can du ma gar byed cing 'dug / 'o na dur khrong du mgon po klu sgrub la sogs pa grub thob mang po yang bzhugs pa min bsam tsa na/ nam mkha' ru mgon po klu sgrub la sogs grub chen du ma gar mdzad cing snang / des na 'khor 'das thams cad rang sems dag ma dag tu gda' bas dag snang sbyang dgos gsung / de la 'o skol gyi dag snang sbyang lugs 'di/ stong gzugs bsgams nas/ snang ba 'di sku dang zhing khams dag par sbyong ba yin gsung / de la 'di skad ces bstod pa/ yang dag ting 'dzin mchog la legs sbyangs pas/ 'khor 'das ye shes sgyu mar ro gcig gzigs/ gdul bya de 'dra'i lam la 'god mdzad pa/ dge sbyong bla ma mchog la gus phyag 'tshal/ ces so/ mdor na snang stong gzugs sku rtag tu gzigs pa sprul sku'i ting nge 'dzin dang / grag stong gi sgra rgyun chad med pa/ longs sku'i ting nge 'dzin dang / gsal stong 'od gsal ngang du rtag par bzhugs pa/ chos sku'i ting nge 'dzin dang / bde stong 'od gsal gyi nyams rjes 'dres pa ngo bo nyid kyi sku'i ting nge 'dzin te/ sku bzhi'i bdag nyid dus bde ba chen po dang / 'khor lo stong pa'i gzogs khyer med pa'i bdag nying du bzhugs par dang ldan gyi skyes bu shes rab gsum