[A:239]shes dang bka' drin dran par byung gsung / yang dus cig na/ bzhugs khri'i 'og nas ra gan gyi 'gu che cig dang / shing phor rtsi med cig bton nas/ dge sbyong 'di dag zung / dus chen dgos pa yin gsung / phyis bya ba btang nas ri khrod du 'gro tsa na/ snod spyad de gnyis la brten dgos pa byung / bla ma'i mngon shes dran cing mos gus 'phel gsung / yang 'pho ba'i gdams pa zab mo gnang nas/ dge sbyong 'di lta bu yang sbyang dgos pa yin gsung / khong pas kyang brtson grus kyis sbyangs pas 'pho nus pa'i rtags byung gsung / de nas bla ma'i ting nge 'dzin dang / mngon par shes pa la sogs pa'i yon tan yang mang du mthong / thugs rjes kyang bzung / mos gus mthar phyin rje'i yon tan gzigs/ skal ldan mchog gyur dge sbyong la phyag 'tshal/ ces so// de nas 'gro ba'i mgon po chos kyi rgyal pa rin po che sku gshegs khar thugs dkyil 'khor rnams khrom la dkon mchog la mchod pa legs par shams gsung nas/ phyag gis rdo rje dril bu thugs khar bsnol te/ 'pho ba mdzad nas gshegs pa'i tshe/ rdo rje dril bu dge sbyong gi phyag tu gnang ngo/ khong pas kyang mos gus kyi rten du bzung nas/ thugs kyi dgongs pa la/ bla ma cig la dbang bskur bdun zhu/ de bla ma chen po'i gsol 'debs su bya/ rang gi sngon