[A:240]'gro yang yin/ de nas 'pho ba byas nas blu ma'i phyag phyi la 'gro dgongs nas/ bla ma grags pa 'od zer la grogs bcol nas/ bla ma chen po'i gsung gis slob dpon grub pa dpal la/ dge sbyong kun dga' rgyal 'di khyed la mos pa 'dug pas/ 'di la gang dgos pa'i dbang dka' rnams khyed kyis gyis gsung par gda' bgyis nas bla ma grub pa dpal spyan rdangs nas/ dbang zhus shing 'pho ba sbyangs pas/ cung zad thugs skyo ba dang / mthon dman du gyur pa/ bla ma dang mched grogs rnams kyis tshor nas/ gsung gleng zhib tu bgyis pas/ nga dbang bdun zhus nas 'pho ba byed pa yin gsung / de nas bla ma grub pa dpal bas dus lam bab par 'pho ba byas na lha gsod pa'i nyes pa chen po bshad/ 'pho ba byas pas bla ma chen po'i drung du sleb nyen kyang med/ sku gzhon shes rab che ba yin pas/ slob gnyer dang bsgom bsgrub mdzad na/ rang don 'grub cing gzhan don 'byung / bla ma'i thugs dgongs kyang des rdzogs pa yin gsung nas/ zhal da mang du mdzad cing / dge slong bzang po cig dge sbyong pa'i drung du bzhag nas/ 'pho ba mdzad du ma gnang / dbang dang chos bshad mang du mdzad pas/ 'pho ba mi mdzad cing bsgrub pa mdzad par zhal gyis bzhes nas/ bla ma dam pa'i phyag rdzas thams cad