[A:13]la stong lnga bcu ste/ bsdoms pas lo sum stong nyis brgya lnga bcu rtsa lnga byung / de la bzhi char bgos pa'i lo brgyad brgya dang phyed dang bcu bzhi/
bzhi cha re dang bcas pa rdzogs ldan gyi lo dang / de nas de tsam re rim pa bzhin gsum ldan/ gnyis ldan/ rtsod ldan gyi lor 'jog dus bzhi phyi ma ni drag po 'khor lo can gyi kla klo bcom ste/ gling bcu gnyis su sangs rgyas kyi chos 'jog par mdzad pa nas yin zhing / de la lo grangs stong brgyad brgya yod pa'i bzhi brgya dang lnga bcu rtsa bzhi phyi ma 'khor lo can gyi bstan pa'i rdzogs ldan gyi lo dang / de [B:13a]nas de tsam re rim pa bzhin gsum ldan/ gnyis ldan/ rtsod ldan gyi lor 'jog spyir na dus bzhi snga phyi bsdoms pas lo lnga stong lnga bcu rtsa lnga byung ba la/ ston pa sangs das nas dgung lo gya gcig pa mya ngan las 'das pa'i bar gyi lo bzhi bcu rtsa drug 'phri ba na/ sangs rgyas mya ngan las 'das nas lo lnga stong dang dgur bstan pa gnas par grub pas/ mdo sde'i phyogs nas lnga stong gnas par gsungs pa dang / lo dgu'i khyad par las ma byung zhing / de tsam ni rags rtsis zhib rtsis kyi khog tu 'dus 'ong bas dus 'khor lugs dang / mdo sde'i phyogs gnyis bstan pa'i gnas tshad kyi lo grangs la mi mthun pa med de/ 'o na sngar bstan pa ji tsam 'das shing / slad [B:14]du ji tsam lus pa yin zhe na/ de yang ston pa sangs rgyas nas dus 'khor TIka chen brtsams pa'i kun dga'i lo shing stag yan la lo nyis stong sum brgya bcu gsum song zhing / rigs ldan sa skyong gis chos bstan nas lo brgyad 'das/ de nas deng sang gi rnam 'phyang zhes pa sa pho khyi 'di yan