[A:12]nas lo drug brgya na 'jam dpal gyi dus so/ /[B:12]de nas lo brgyad brgya na kla klo'i dus so/ /kla klo'i dus de las brgyad cu rtsa gnyis lhag pa'i brgyas dman pa ni rgyal ka gang gi nyung ngu'i byed pa rnam par sbyong ba rigs ldan rgyal ka'i dus so/ /dus de nyid ni gyed pa la nges par 'gyur te kla klo'i dus so/ /rab byung las sogs mdas pa zhes pa ni lo drug cu po gang gi dang po rab byung yin pa de ni rab byung la sogs pa ste/ de dag las so sor da lta ba'i lo'i snga ma'i lo ni rab byung las sogs 'das pa'o/ /de gsum lhag pa'i bzhi brgya la bsres pa ni kla klo'i lor rab tu 'grub par 'gyur ro/ /zhes gsal bar 'byung bas shes so/ /yang 'grel chen las/ kla klo'i dbang po'i lo ni lag pa gdengs can zla bas dman pa brgyad [B:12a]cu rtsa gnyis lhag pa'i brgya yis dman pa ni lag pa gdengs can zla bas dman pa ste/ sham bha la'i yul du rigs ldan rgyal ka'i dus kyi lo'o/ /zhes me mkha' rgya mtsho'i lo'i steng nas lag pa gdengs can zla bas dman pa'i lhag ma nyis brgya nyer gcig rgyal ka'i lo grangs yin par dngos su gsung pas/ lag pa gdengs can zla ba ste/ brgya brgyad cu rtsa gnyis rgya mtsho rnam rgyal gyi lo grangs su don gyis 'grub pa ste snga ma gsal du btang ba'o/ /bskal pa la dus bzhi chen po 'byung ba bzhin du bstan pa la dus bzhi yod la/ de yang snga phyi gnyis te/ snga ma ni ston pas rtsa rgyud bstan pa nas rigs ldan shin bzang gi bar lo stong lnga brgya me mkha' rgya mtsho'i lo bzhi brgya dang gsum/ ston pa sangs [B:13]rgyas nas rtsa rgyud gsungs pa'i bar gyi lo gcig rigs ldan nyi ma nas drag po'i sku tshe'i phyed yan chad