[A:15]gnya' khri btsan po yin par mthun/ de yang shAkya'i rigs su gsungs pas snga ma gnyis min par nges la/ phyi ma shAkya'i gdung rabs yin na phyogs 'grig go /de la rje gnya' khi btsan po nyid kyis yul yar klungs sog khar byon te/ pho brang 'um bu bla mkhar brtsigs pa bod kyi pho brang snga shos su 'dug de nas rim pa bzhi mu khri btsan po/ ding khri btsan po/ so khri btsan po/ mo khri btsan po/ gdags khri btsan po/
sribs khri [B:15a]btsan po ste bdun la gnam gyi khri bdun zer/ rgyal po phyi ma de'i sras gri gum btsan po/ de'i sras pu de gung rgyal dang gnyis la stod kyi steng gnyis zer/ de yang rgyal po gri gum thugs 'khrul te rkyen med par blon po lo ngam dang 'thabs pas blon pos bkrongs te/ sras sha khri/
nya khri/ bya khri gsum kong long spo bo'i yul sogs su phud/ rgyal srid lo ngam gyis bzung ste/ rgyal po'i btsun mo la rta rdzi dang / lha gcig la chung ma bcol/ de'i tshe rgyal po'i btsun mo la yar lha sham po'i bu gcig byung ba/ ming ru las skyes zhes grags/ de nar son nas lo ngam bsad de/ phu bo gsum 'bod du phyin pas spo bo'i yul nas sras bya khri gcig pu gdan drangs te/ rgyal sar bton pas pu de gung rgyal du grags/[B:16] sku
mkhar 'phying nga stag rtse brtsigs shing / blon po ni nu'o ru las skyes kyis byas so/ /rgyal blon 'di dag gi dus su 'jig rten pa rnams zhing la so nam byed pa'i srol dar zhing / bsod nams kyi mthu las dngul zangs lcags gsum yang thon zer/ chab srid ni bon gyis bskyangs par grags te/ 'di'i dus su mtha' khob ta zig gi yul du skyes pa'i ston pa gshen