[A:16]rabs kyis zhang zhung gi yul nas bon bsgyur te dar ba byas pa yin 'dug
bon rang gi yig tshangs khag cig las ni gnya' khri btsan po'i dus su byung bar yang bshad / de nas rim pa bzhin a sho legs/ i sho legs/
de sho legs/ gu ru legs/ 'brom rje legs/ tho sho legs dang drug la bar [B:16a]gyi legs drug zer/ de nas rim bzhin rgyal bza' rnam zin lde/ lde 'phrul nam gzhung btsan/ se rnol rnam lde/ se rnol po lde/
lde rnol nam/ lde rnol po/ lde rgyal po/ lde sprin btsan dang brgyad la sa'i lde brgyad zer/ de nas rim pa bzhin khri btsan nam/ khri dgra dpung btsan/ khri thog rje thog btsan dang gsum la 'og gi btsan gsum zer la/ btsan phyi ma'i sras lha tho tho ri gnyan btsan te kun tu bzang po'i sprul par byed / 'di pa pho brang 'um bu bla mkhar gyi rtser bzhugs pa na/
nam mkha' nas mdo za ma tog bkod pa spang skong phyag rgya pa/ gser gyi mchod rten rnams babs byung ba la/ ming gnyan po gsang bar btags nas mchod pa byas pas lo brgya nyi shu thub cing /mnal?rnal lam du khyod [B:17]nas gdung rabs lnga na 'di'i don shes pa 'byung / zhes pa'i lung bstan yang byung zhes grags/ nel pa ni bon po nam mkha' la dga' bas de nas babs zer ba yin gyi/ don la paNDi ta blo sems mtsho dang lo tsA ba li thi ses chos de rnams khyer 'ongs pa/ rgyal pos yi ge'i tshig don ma go bas chos rnams bzhag nas lo paN phyir log zer te/ blo sems mtsho dang zhi ba mtsho don gcig cing / mkhan pos bod kyi rgyal rabs dgu'i ring bal por sgug 'dug pas dag pa 'dra zhes deb sngon par 'chad/ de'i sras khri