[A:20]mgar gyis g.yo sgyu'i 'phrul dpag tu med pa bkyed nas rgya nag po'i rgyal khams cham la phab cing/ bros thar ba ldan ma'i yul du rjes zin te/
lha gcig dang jo bo rin po che bcas pa dmar po rir rgyal po'i drung du phyag phebs/ skyid pa'i dga' ston bsam gyis mi khyab pa mdzad de mchog tu 'os pa yin no/ /rgyal pos chos kyi bdag po mdzad nas/ spyan ras gzigs yi ge drug ma dang / 'phags pa gshin rje gshed [B:21]sogs kyi chos sna mang du gsung zhing sgom grwa 'dzugs pa dang / khra 'brug sogs mtha' 'dul yang 'dul gyi gtsug lag khang bzhengs pa mdzad/ btsun mo gnyis kyis kyang 'phrul snang dang ra mo che'i gtsug lag khang bzhengs te jo bo rnam gnyis so sor bzhugs/ mdor na rgyal po nyid jo bo thugs rje chen po dang / btsun mo gnyis lha mo gnyis kyis sprul par thag chod cing / blon po phal cher yang sprul par grags pa nyid kyis 'dzam bu gling gi sum gnyis dge ba bcu'i rgyal khrims kyis khyab/ mu ge dang yams nad dang 'thab rtsod kyi ming tsam yang med/ rab byung gi grwa 'dzugs pa ma thub pa tsam ma gtogs chos gzhan shin tu dar bar ma dzad pas/ bod du sangs rgyas kyi [B:21a]bstan pa rin po che'i dbu brnyes pa zhes bya ba yin no/ /de'i tshe btsun mo gnyis la ni sras med/ btsun mo gzhan gnyis rim gyis khab tu bzhes pa la'ang sras ma byung / rjes su stod lung nas mong bza' khri lcam bya
ba la sras mang srong mang btsan 'khrungs/ dgung lo bcu gsum la rgyal sar byon/ rgyal srid lo lnga bzung ste bco brgyad la 'das/ de la sras gung srong gung btsan 'khrungs pa nar ma son pas/ slar yab rgyal pos srid