[A:21]skyong dgos pa byung / me long mar/ mang srong dang gung srong gnyis snga phyi zlog ste 'byung yang / bu ston chos 'byung du sngar bzhin gsungs pas skyon med do/ /de nas yab rgyal pos dbon sras blon 'bangs dang bcas pa la lha sa'i gnas 'di rim gyis [B:22]chu yis bcad pa las nya 'dra/
sbal pa 'dra/ cong 'dra/ pir 'dra nyid du 'gyur/ pir 'dra'i dus su nang gi lha mchod pa dang / phyi'i rags gso ba byas shing / skye 'gro thams cad kyis gdung shugs drag pos jo bo rin po che la/ sol ba btab na yun cung zad gnas zhes pa dang / mya ngan las 'da' khar gtsang khang byang mar byon nas/ dbon sras la rgyal srid chos kyis skyong dgos pa'i zhal gdams dang / nga nas rgyal rabs lnga na rgyal po khri dang lde zhes pa 'byung / des rab tu byung ba'i sde mang po btsugs nas 'tsho ba pho brang nas sbyor/ sangs rgyas kyi bstan pa nyin mo ltar gsal bar byed ces pa sogs ma 'ongs lung bstan 'ga' mdzad de/ brgyad cu rtsa gnyis pa [B:22a]sa khyi'i lo la btsun mo gnyis dang lhan cig tu jo bo bcu gcig zhal gyi thugs kar thim/ me long deb sdon du lcags khyi
dpe ma dag
la 'das par bshad pa ni me glang la 'khrungs pa dang lo dang mi 'grig go /blon po rnams kyis lha'i thugs kar thim pa 'di gsang ste/ 'phan yul zal mo sgang du 'das pa yin zhes pa'i sgra bsgrags nas 'phyongs rgyas so mdar bang so ya mtshan can rin chen nor gyis bkang ba brtsigs pa srong btsan bang so zhes deng sang yang ming du chags so/ /de nas dbon sras gung srong gung btsan dgung lo bcu gsum pa la rgyal sar bton pa/ lha sar mes