[A:22]kyi mchod pa 'dzugs pa sogs dkon mchog gsum la gus par mdzad/
rgyal srid lo bco lnga bzung ste nyer [B:23]bdun pa la gtsang gi sa char 'das/
rgyal po 'di'i dus su rgya dmag bod du byung ste dmar po ri me la bsregs/
jo bo shAkya mu ne 'phrul snang du sbas pa ma rnyed kyang jo bo mi bskyod rdo rje snga dro gcig gi sar
chos lung mdar
khyer zhes rgya'i deb ther las byung /
slar blon po mgar gyis bod dmag 'bum tsho khrid de rgya yi yul khams bcom/
mgar rang yang dmag thog der 'das zhes grags/ rgyal po de'i sras 'dus srong rnam 'phrul gyi rgyal po ni yab 'das nas zhag bdun na sbrags phur 'khrungs/ lo nyi shu rtsa dgu rgyal srid bzung nas dkon mchog gsum gus pas mchod / 'di'i dus su blon po rtsal po che bdun byung bar grags/
mgar gyi bu gnyan btsan ldem bus bod dmag [B:23a]khri tsho 'bum khrid nas rgya'i rgyal khams pham par byas/ bod kyi rgyal po gcig la mnga' thang dang mthu stobs che bar byed/ de'i sras khri lde gtsug brtan mes ag tshom du grags pa ni pho brang yar klungs
stong thang lha dkar du sku 'khrungs/
dgung lo bcu pa la rgyal sar byon te/ gtsug lag khang brtsigs pa dang /
chos bsgyur ba sogs bstan pa'i zhabs tog chen po mdzad/ mes srong btsan gyis sras khri srong lde'u btsan lung bstan pa nyid khong rang yin snyam pa'i rlom pas paNDi ta spyan drangs te/ rab byung gi sde 'dzugs pa'i rtsom pa yang mdzad ces grags/ sras ljang tsha lha dbon zhes pa zhig yod pa la rgya nas kim shing kong jo btsun mor bkug pa/ rgya mo bod du ma slebs tsam la sras 'das nas mes [B:24]dang lhan cig 'dus shing / jo bo shAkya mu ne sbas