[A:25]tu byung bar bshad kyang snga ma ltar 'byung ba mang ngo / /
gzhan yang dad pa can dang shes rab can mang po rab tu byung ba la bkod cing / spyir khams yad smad du chos kyi grwa bcu gnyis tsam dang /
yer pa dang mchims phur sgom grwa 'dzugs pa dang / lo [B:26a]paN rnams kyis sngags mtshan nyid kyi chos phal mo che bsgyur cing 'chad nyan gyis gtan la 'bebs pa'i zhabs tog bsgrubs pa ste/ sangs rgyas kyi bstan pa rin po che'i srol gtod par mdzad/ phyis jo bo a ti sha'i zhal nas de dus kyi bod kyi bstan pa 'dra ba rgya gar du yang ma byung bar 'dug ces sungs skad/ de nas mkhan pos bod 'dir mu stegs pa mi 'byung yang rgyal ba'i bstan pa kha gnyis su gyes te rtsod par 'gyur bas/ de'i tshe rgya gar nas ka ma la shI la spyan drongs la rtsod pa byed du chug cig ces pa'i zhal chems gsungs nas mya ngan las 'das/ mtshams shig nas lung bstan ltar rgya nag nas hwa shang byung ste/ lus ngag gi chos spyod [B:27]mi dgos pa'i byar med kyi ngang la gnas pas 'tshang rgya zhes bsgrags nas bod phal cher chad lta la sbyar pa na/ ye shes dbang pos?phos rgyal po la mkhan po'i lung bstan yod tshul zhus pas snyel sos te/ ka ma la shI la spyan 'dren pa'i pho nya btang ba hwa shang gis go nas/ bsam gtan nyal ba'i 'khor lo/ bsam gtan gyi lon dang yang len gnyis/ mdo sde brgyad cu khung las sogs pa'i bstan bcos brtsams/ de nas ka ma la shI la byon pa dang / rgyal po gong?gung la bzhugs nas hwa shang dang rtsod pas pham par mdzad de hwa shang rgya yul du brdzangs shing / dpe de rnams gter du sbas zhes grags/ ka ma la shI la'i lugs