[A:26]dang hwa shang gi lugs gnyis la rim pa bzhin tsen min [B:27a]pa dang tAon mun pa zer te/ bod skad du rim gyis pa dang bco brgyad pa'i ming ngo / bsam yas kyi rgyal blon 'di dag gi dus su yang rgya dang dbon zhang mi mthun nas dmag 'dren res 'ga' byas shing / lan cig dmag dpon lha bzang klu dpal bya bas bod dmag 'bum tsho gnyis khrid de/ shing zhun dang / ci'u mkhar/ sman rtse'i yul rnams bcom zhes rgya'i deb ther chen mo las 'byung / rgyal po de la sras nu ne btsan po/
yo ga'i chos 'byung du mu ti btsan po mu ne btsan po'i sras su'ang bshad de gzhan dang mi mthun/
mu tig btsan po/ khri lde srong btsan dang gsum/ sras che ba la rgyal srid gtad de/ rgyal po rang nyid zur mkhar gyi pho brang gnyug ma mkhar du bzhugs nas re dgu pa sa stag lor 'das/[B:28] bu ston chos 'byung du mu ne btsan po chu stag la rgyal sar btonbrton/ lo gcig dang zla ba bdun srid bzung nas bcu bdun pa la 'das par bshad/dpe ma dag
me long mar/ chu stag la 'khrungs nas nyer brgyad pa la rgyal sar bton/ srid lo gcig dang zla ba dgu bzung nas nyer dgu pa la 'das par bshad/dpe ma dag
lugs dang po ltar na sras dgung lo lnga par rgyal sar bton dgos pas yab drug cu rtsa dgu pa me stag la 'ad sa par chos 'byung du byung ba dang lo grangs mi 'grig lugs gnyis pa ltar na rgyal po dgung lo zhe lnga pa la sras 'khrungs par bya dgos shing / de ltar na yab rgyal po lnga bcu rtsa drug pa chu glang la 'das par chos 'byung rang du 'byung ba dang lo grangs mi [B:28a]mthun/
shing glang la 'das zhes 'byung ba ni spar ma dag pa ste/ spar ma 'di la dbang