[A:27]thang 'chugs pa gzhan yang mang ngo / /dpe kha cig
kaM kaM spyan snga'i chos 'byung sogs
tu sras kyis rgyal srid lo bdun dang zla ba dgu bzung bar bshad la/ 'di nyid dag par mngon te/ rgyal po 'dis bod la ltogs phyug lan gsum du mnyam par gsung ba'i chos 'byung gnyis kyi lo grangs bzhin byas na lan gsum mnyam long med do/ /'dis yab mes kyi srol bzhin bstan pa la gus par mdzad cing / bsam yas su sde snod gsum gyi mchod pa btsugs pa'i mdo sde ni deng sang yang ma nub/ dgung lo nyer gsum pa la yum tshe spang bzas btsun mo phang 'ong bzas la phrag dog byas
gsol ngag zhus te 'das/ de nas sras 'bring po [B:29]mu tig btsan po la rgyal srid gtad 'os kyang sna nam pas rta bskrags nas bkrongs/ chung ba khri lde srong btsan sku nar ma son par rgyal sar bton pa sad na legs 'jing yon zhes grags/ rgyal khams la dbang bsgyur te dge bcu'i khrims bcas shing / yab mes kyis bzhengs pa'i gtsug lag khang rnams la mchod pa rgya chen po 'bul ba dang / lo paN mang pos sngon med pa'i mdo dang sgra bsgyur ba'i zhabs tog mdzad / rgyal sde dkar chung gi gtsug lag khang yang brtsigs par grags/ 'di dang mu ne btsan po'i dus su yang rgya dang dmag 'dren res byung ba deb ther nas 'byung ngo / /rgyal po de la sras gtsang ma/ dar ma/ ral pa can/ lha rje/ lhun [B:29a]grub ste lnga/ bu ston chos 'byung du lha rje lhun grub gnyis gcig tu mdzad pa dang / me long mar sad na legs kyi sras ldeng khri dang / de la sras lnga byung bar bshad pa ni ma dag cing / mes srong btsan gyis lung bstan mdzad par/ khri