[A:31]bka' chems las/
de nas bdud kyi sprul pa ste/ /
rgyal po dud 'gro'i ming can byung / /
de yi thugs la [B:33]gdon sol nas/ /
lha khang dgyel zhing dam chos bsnubs/ /
sde snod 'dzin pa'i srog kyang bcad/ /
chos mdzad thams cad gsod cing 'joms/ |
glegs bam thams cad me la bsregs/ /
bla ma slob dpon bran du bkol/ /
rab byung btsun pa chos dang 'bral/ /
dge 'dun rnams la bshan pa bcol/ /
sangs rgyas na bza' chu la bskyur/ /
rten gsum mchod cha rdo yis brdungs/ /
chos kyi ming yang med par byed/ /
de nas yer pa'i brag khung na/ /
phyag na rdo rje'i sprul pa ste/ /
dpal zhes bya ba'i dge slong gis/ /
sdig can rgyal po sgrol bar 'gyur/ /
de nas lo skor 'ga' yi bar
lo skor drug dang lo rkyang lnga
sangs rgyas bstan pa med par 'gyur/ /
e ma sems can snying re rje/ /
zhes lung bstan/[B:33a] de'i