[A:32]tshe btsun mo chung ba'i lto bar gdung rgyud kyi sras gcig chags yod pa la btsun mo che bas kyang sras lto bar yod ces rdzun byas shing / chung ba la gdung rgyud 'khrungs pa'i tshe sprang mo'i bu chung skyes ma khad cig sha la car nas nga las skyes pa yin zer ba na blon po rnams kyis yum gsungs pa bzhin brtan du bcug pas/ mnga' bdag yum brtan zhes grags/
gdung rgyud la chen mas gnod dogs nas nyin mtshan du nyi 'od dang mar me'i 'od kyis bsrungs pas 'od bsrungs zhes grags/ sku mched sku nar ma son kyang blon po chos la dga' ba rnams kyis zhus nas jo bo rnam gnyis khri steng du spyan 'dren pa dang / lha khang zhig pa slar gso ba sogs dkon mchog la [B:34]gus par mdzad do/ /srong btsan 'od bsrungs kyi bar ni 'jam dpal rtsa rgyud las/
de bzhin gshegs pa'i bstan pa la/ /
rnam pa sna tshogs bya ba byed/ /
byang gi phyogs la brten nas ni/ /
de yi tshe na 'byung bar 'gyur/ /
lha ldan yul zhes bya ba yi/ /
gangs can ri yi nang gnas pa'i/ /
rgyal po mi yi lha zhes pa/ /
li tsa byi rnams rigs su byung / /
de yang sngags kyi don grub ste/ /
longs spyod tshe dang ldan par 'gyur/ /