[A:34]'od ldan nyid ni phyi ma yin/ /
tha mar 'char rgyal ngang tshul te/ /
kla klo rnam pa rna tshogs yin/ /
de 'og lugs ni rnam gzhig cing / /
phyi rol lugs ni rnam gzhig cing / /
phyi rol skye dgu nye bar spyod/ /
ces lung bstan pa yin te/
byang gi phyogs dang kha ba can ni grags che zhing / lha ldan ni lha sa'o/ /
lo brgyad cur rgyal srid byed pa ni lo brgyad cu rtsa gnyis bzhugs shing /
bar du mang srong mang btsan gyis kyang rgyal srid cung zad mdzad pa'o/ /
sgrol ma dang / gos dkar mo dang / dkar mo chen mo ni btsun mo'i mchog gsum ste kong jo dang / bal mo bza' dang / 'bri bza' thod dkar ro/ /li tsa byi'i rigs su byung ba ni yangs [B:35]pa can pa'i rgyud yin pa ste/ me long mar shAkya ri brag pa'i rgyud du mdzad pa la co 'dri ba'o/ /
kla klo'i rgyal ni nub phyogs ta zig gi yul la yang dbang byed pa'o/ /de bzhin du rgyal po mang po ni 'og nas 'byung ba rnams te/ /khyu mchog ni gung srong ngo / /khyu mchog bzang ni 'dus srong rnam 'phrul lo/ /sa 'od ni mes ag tshom mo/ /sa 'od bzang ni khri srong lde'u btsan no/ /pha rol gnon ni mu ne btsan po'o/ /rkang pa'i 'gros ni sad na legs so/ /
sa bsrungs ni ral pa can no/ /be'u ni glang dar ma'o/ /'od ldan ni 'od bsrungs so/ /thang mar 'char rgyal ngang tshul ni nyi ma shar ba'i phyogs nas bod la dbang byed pa'i hor rgyal po ste/ kla klo rnam pa sna tshogs