[A:35]yin/ /zhes pa dang 'grig tshabs che'o/ /'od bsrungs kyi 'og nas bod spyi la dbang ba'i rgyal po med par lugs rnam par zhig go /de nas 'od bsrungs dang / yum brtan gnyis srid la ma [B:35a]'cham par snga mas g.yo ru dang / phyi mas dbu ru bzung nas 'khrug pa byas/ 'od bsrungs lo drug cu bzhugs shing / nyi shu rtsa dgu lon dus rje khon gyi 'khrug pa byung /
de nas lo brgyad na bang so rnams bshig pa yin zhes me long mar 'byung /
de'i sras dpal 'khor btsan te dgung lo so gcig pa la shar kha zhes bya ba'i lung par snyags kyis bkrongs/ de'i sras bkra shis rtseg pa dang skyid lde nyi ma mgon gnyis/ dang po'i sras dpal rje/ 'od rje/ skyid lde ste smad kyi lde gsum/ dang po dpal lde nas brgyud pa las stod mnga' ris smad rnams byung ste/ da lta'i rdzong kha bdag po sogs so/ /chung ba skyid ldes shangs rta nag gi bdag mdzad/ sras drug byung ba la/ mus dang 'jad dang / nyang [B:36]stod kyi rtsad po rnams mched de/ 'bring po 'od lde la sras bzhi byung ba'i che ba la g.yag lde dang / nyang stod stag tshal gyi rtsad po rnams 'chadmched de/ sras gnyis pa khri lde'i rgyud ni shar tsong kha sogs mdo smad du 'chadmched de/ da lta'i lha don po che sa yang khri lde'i rgyud du me long mar bshad/ sras nyag lde'i rgyud ni g.yas ru dang skyin mkhar du byung / sras khri chung gis yar klungs su byon nas sku mkhar 'ching pa stag rtse bzung / de'i sras 'od skyid 'bar / de la sras bdun byung ba'i che ba rje tshwa khri 'bar dang / gcung po spun drug las dang po nas brgyud pa la g.yu thog sna mo ba/ 'phying nga ba/ don mkhar ba/ thang 'khor rtsad